U parłamiencie Ukrainy zapatrabavali ad uładaŭ Kijeva adnavić miemaryjał biełarusam
Kiraŭnictva kaledža, na ścianie jakoha znachodzicca miemaryjał, źmiaściła źniatyja hierb «Pahonia» i nadpisy «Žyvie Biełaruś!» i «Słava Ukrainie!» u padvał navučalnaj ustanovy. Hrupa deputataŭ Viarchoŭnaj Rady Ukrainy źviarnułasia da kijeŭskich uładaŭ i ŭ Ministerstva adukacyi Ukrainy z patrabavańniem umiašacca ŭ situacyju vakoł miemaryjalnaha znaka biełarusam, jakija zahinuli va Ukrainie z 2014 hodu, piša «Svaboda».
«Prosim vas nieadkładna ŭmiašacca ŭ situacyju, spynić źniščeńnie miemaryjalnaj doški, jakaja ŭšanoŭvaje pamiać biełarusaŭ, jakija addali žyćcio ŭ baraćbie za Ukrainu. Zabiaśpiečyć poŭnaje adnaŭleńnie miemaryjalnaj doški i nie dapuścić u budučyni aktaŭ vandalizmu ŭ dačynieńni da pomnika z boku administracyi ŭniviersiteta», — adznačajecca ŭ deputackim zvarocie, jaki maje ŭ svaim rasparadžeńni «Svaboda».
Deputaty nazvali častkovy demantaž miemaryjału «rezanansnaj i šakavalnaj padziejaj».
Pradstaŭniki Viarchoŭnaj Rady Ukrainy padkreślili, što pomnik ustalavany na srodki siabroŭ i blizkich zahinułych, a Kijeŭski sajuz vieteranaŭ Antyterarystyčnaj apieracyi dapamahaŭ prajści ŭsie instancyi — ad Kijeŭskaj haradskoj dziaržaŭnaj administracyi da rajonnaj rady i ŭłaśnikaŭ budynku, kab atrymać usie dazvoły na ŭstalavańnie pomnika.
Jak stała viadoma «Svabodzie», kiraŭnictva kaledža, na ścianie jakoha znachodzicca miemaryjał, pieramiaściła źniatyja hierb «Pahonia» i nadpisy «Žyvie Biełaruś!» i «Słava Ukrainie!» u padvał navučalnaj ustanovy.
Anžeła Dušajeva, pradstaŭnica dabračynnaha fondu «Vałoška», paviedamiła, što paśla ichnaha naviedvańnia kaledža jahonaje kiraŭnictva vyrašyła viarnuć na miesca nadpis «Słava Ukrainie!». Biełaruski nacyjanalny i ŭkrainski dziaržaŭny ściahi pakul na miemaryjale adsutničajuć.
Inicyjatary stvareńnia miemaryjału źviarnulisia ŭ Słužbu biaśpieki Ukrainy i palicyju z patrabavańniem razabracca ź dziejańniami kiraŭnictva kaledža i Kijeŭskaha nacyjanalnaha ŭniviersiteta technałohij i dyzajnu.
Pamiatny znak biełarusam, palehłym za Ukrainu, byŭ adkryty ŭ 2016 hodzie ŭ Kijevie na vulicy Biełaruskaj. Im ušanavanyja ŭdzielnik Revalucyi Hodnaści Michaił Žyźnieŭski, bajcy taktyčnaj hrupy «Biełaruś» Aleś Čarkašyn i Vital Ciliženka, a taksama paramiedyk marskoj piachoty Ukrainskich uzbrojenych sił Mikoła Iljin.
Zahinułyja paśmiarotna adznačanyja dziaržaŭnymi ŭznaharodami Ukrainy.
Pra paškodžańnie pamiatnaha znaka stała viadoma 30 vieraśnia z sacyjalnych sietak. Z pomnika byli prybranyja nadpisy «Słava Ukrainie», «Žyvie Biełaruś», hierb «Pahonia» dy nacyjanalnyja ściahi Biełarusi i Ukrainy.
Dyrektarka kijeŭskaha kaledža patłumačyła demantaž častki pamiatnaha znaka biełaruskim vajaram tym, što «słovy «Žyvie Biełaruś» razdražniajuć».
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary