Prezident Ukrainy Piatro Parašenka nadaŭ zvańnie Hieroja Ukrainy biełarusu Michaiłu Žyźnieŭskamu. Pra heta havorycca ŭ paviedamleńni na sajcie prezidenta ŭ aŭtorak, piša UP.
«Prezident Piatro Parašenka paśmiarotna nadaŭ zvańnie Hieroja Ukrainy Michaiłu Žyźnieŭskamu — biełarusu, jaki zahinuŭ padčas Revalucyi Hodnaści, i uručyŭ Zorku Hieroja Ukrainy jaho baćkam — Michaiłu Piatroviču i Ninie Vasiljeŭnie», — havorycca ŭ paviedamleńni.
«Dla nas Michaił — nie inšaziemiec, dla nas Michaił — ukrainiec u dušy», - skazaŭ Parašenka, nazvaŭšy jaho «vialikim biełarusam» i «vialikim ukraincam»
Parašenka paviedamiŭ baćkam, što jon inicyjavaŭ źmieny ŭ zakanadaŭstva, jakija byli padtrymanyja Viarchoŭnaj Radaj i jakija dazvolili ŭpieršyniu ŭ historyi Ukrainy nadać zvańnie Hieroja Ukrainy zamiežniku.
Nahadajem, 25-hadovy Michaił Žyźnieŭski zahinuŭ 22 studzienia 2014 ad ranieńnia ŭ serca padčas «Revalucyi Hodnaści».
13 krasavika 2017 Viarchoŭnaja Rada pryniała zakonaprajekt 6174, jaki dazvalaje paśmiarotnaje nadańnie zvańnia Hieroja Ukrainy zamiežnikam, uznaharodžanym ordenam Hierojaŭ Niabiesnaj sotni.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary