Na stancyjach u Minsku i vakoł Minska chodziać uzbrojenyja patruli milicyjantaŭ
Jak paviedamlajuć čytačy «Našaj Nivy», na čyhunačnych stancyjach u Minsku i vakoł Minska chodziać uzbrojenyja patruli milicyjantaŭ.
Zdymak ilustracyjny. Fota: Wikimedia Commons
Dva čytačy, jakija napisali pra heta nam, nie bačyli, kab patruli praviarali telefony pasažyraŭ, ale nie vyklučajuć, što na niekatorych stancyjach takoje moža adbyvacca.
Kali vy viedajecie na hetuju temu bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Nahadajem, što ŭnačy 5 kastryčnika pad Minskam u rajonie Kałodziščaŭ miascovyja žychary čuli mocny vybuch. Vidavočcy kazali, što ŭ toj momant u damach treślisia vokny. Ranicaj 6 kastryčnika žychary vajskovaha haradka va Uruččy raskazvali, što pa rajonie chodziać śledčyja i apytvajuć ludziej z nahody terakta na čyhunačnaj stancyi Aziaryšča. Aficyjnych kamientaroŭ z nahody zdareńnia na viečar 6 kastryčnika nie było.
Kamientary