Ekśpierty rynku nieruchomaści nazvali najlepšy čas dla kupli lecišča
A taksama dali prahnoz, što budzie z cenami na zaharadnuju nieruchomaść.
Siezonnaść upłyvaje na ceny na dačnyja damy. U listapadzie ŭłaśniki najbolš zhavorlivyja, heta najlepšy miesiac dla handlu, raskazała Realt.by śpiecyjalist ahienctva «Pavierchi forte» Śviatłana Nikiciuk.
«Užo ŭ śniežni i studzieni pradaŭcam handlavacca nie tak cikava: kolki tam zastałosia da viasny, usie pačynajuć rychtavacca da pačatku novaha siezona», — dadaje jana.
Kala 90% pradadzienych u vieraśni sadovych damoŭ — da 30 tysiač dalaraŭ.
Mieniedžarka pa zaharadnaj nieruchomaści ahienctva «Tvaja stalica» Łarysa Samusienkova kaža, što, pradajučy daču ŭ pačatku siezona, možna raźličvać na bolš vysokuju canu ŭ paraŭnańni z tym, što my bačym ź listapada da lutaha.
«Rastłumaču, čamu nazyvaju mienavita luty. My zaŭsiody rekamiendujem vystaŭlać na prodaž daču z pačatku lutaha, i pry hetym važna pryvieści dom u paradak. I havorka idzie navat nie pra ramont, a prosta pra toje, kab, naprykład, prybrać niepatrebnyja rečy, bo mienavita na dačy čaściakom jany zapasiacca — kab patencyjny pakupnik na fota i pry naviedvańni ŭbačyŭ nie adbitak minułaha žyćcia lecišča, a hatovy da nabyćcia abjekt».
Ale kali brać nie leciščy, a damy dla kruhłahodnaha pražyvańnia, to ich dobra kuplajuć u lubyja miesiacy i na ŭstupki asabliva raźličvać nie varta.
Što tyčycca cen, pa prahnozach Łarysy, čakać ich pavyšeńnia nie varta.
«Što budzie z cenami, u pieršuju čarhu budzie zaležać ad kursu dalara i dastupnaści kredytaŭ. Kredyty biaruć nie tolki na kvatery, ale i na zaharadnaje žyllo — pa danych našaha ipatečnaha centra, imi karystajecca tracina pakupnikoŭ. Kali kredyty syduć i/abo mocna padymajecca dalar, to heta mocna ŭdaryć pa cenach — u bok źnižeńnia. Spadziavacca na rost cen nie davodzicca.
Nahladnaje paćvierdžańnie možna było ŭbačyć u apošni miesiac — jak tolki dalar pajšoŭ raści, my zaŭvažyli, što aktyŭnaść pakupnikoŭ da zaharadnaj nieruchomaści stała pamianšacca — havorka idzie i pra leciščy, i pra žyłyja damy».
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary