U Polščy padličyli 100% biuleteniaŭ. Apazicyja pieramahła, ale Duda prapanuje ŭznačalić urad Kačyńskamu
Prezident Polščy Andžej Duda zajaviŭ, što prapanuje sfarmavać urad partyi «Zakon i spraviadlivaść» (PiS) Jarasłava Kačyńskaha, jakaja nabrała na vybarach najbolš hałasoŭ. Ale naŭrad ci jana zdoleje sfarmavać urad.
Kansiervatyŭna-nacyjanalistyčnaja partyja «Zakon i spraviadlivaść» (PiS), jakaja była va ŭładzie z 2015 hoda, nabiraje 35,38%.
Libieralnaja «Hramadzianskaja kaalicyja» na čale z kolišnim premjeram Donaldam Tuskam nabiraje 30,7%.
«Treci šlach» — abjadnańnie «Polščy 2050» eks-kandydata ŭ prezidenty Šymona Hałoŭni i Polskaj sialanskaj partyi — 14,4%.
«Lavica» — 8,61%.
Jeŭraskieptyčnaja i antyŭkrainskaja partyja «Kanfiederacyja» nabiraje 7,16%
Jaŭka na vybarach skłała 74,38%.
Pa Kanstytucyi spačatku ŭrad prapanujecca sfarvavać toj partyi, jakaja nabrali najbolšuju kolkaść hałasoŭ. I tolki kali PiS taki ŭrad stvaryć nie zmoža, heta budzie prapanavana partyi, jakaja pakazała druhi vynik.
«Hramadzianskaja kaalicyja», imavierna, i ŭznačalić nastupny ŭrad Polskaj Respubliki, bo centrysckaja kaalicyja «Treci šlach», jakaja pakazała treci vynik, užo zajaviła, što ŭ sajuz ź PiSam nie pojdzie.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary