Alimpijskija vieślary ŭ 2032 hodzie buduć spaborničać na race z krakadziłami
Samych złobnych krakadziłaŭ, vidać, vydalać.
Spabornictvy pa akademičnym viesłavańni i viesłavańni na bajdarkach i kanoe na Alimpijadzie 2032 hoda projduć na race Ficroj u aŭstralijskim Rakhiemptanie la Bryśbiena, dzie žyvuć krakadziły, piša Bild.
Ułady Kvinślenda paviedamili, što placoŭka paśpiachova prajšła niezaležnuju techničnuju pravierku i atrymała adabreńnie.
«Usio aficyjna, padpisana i vyrašana», — zajaviŭ premjer štata Kvinślend Devid Krysafuli.
Vybar Ficroja vyklikaŭ sprečki jašče ŭ 2025 hodzie.
Bolš za 500 vieślaroŭ, u tym liku alimpijski čempijon Dru Hin, vystupali za pieranos spabornictvaŭ, spasyłajučysia na płyń, ryzyku pavodak i inšyja asablivaści raki.
Ciapier ułady pačnuć prajektavać nieabchodnuju infrastrukturu. Płanujecca abstalavać dvuchkiłamietrovuju trasu z vaśmiu darožkami. Pašyrać abo pahłyblać raku, pavodle papiarednich vysnoŭ, nie spatrebicca.
U Kvinślendzie ŭžo dziejničaje prahrama kantrolu za krakadziłami, jakaja praduhledžvaje vydaleńnie bujnych abo niebiaśpiečna viadučych siabie žyvioł.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary