Rusłan Lisakovič ahresiŭna čaplaŭsia da ludziej, a potym mocna ŭdaryŭsia hałavoj ab asfalt — Trybuna
Apieracyja nie spatrebiłasia, ale miedyki pakinuli jaho pad nahladam.
Hulec moładzievaj zbornaj i machačkalinskaha «Dynama» Rusłan Lisakovič atrymaŭ traŭmu hałavy pry padzieńni na asfalt paśla haściavoha matča z Partuhalijaj (1:6), paviedamlaje «Trybuna».
Paśla hulni niekatoryja futbalisty dazvolili sabie ałkahol, što adbyłosia ŭ zbornaj nie pieršy raz, paviedamlaje vydańnie.
Paśla hetaha hrupa biełaruskich futbalistaŭ nakiravałasia ŭ horad Barsiełuš, dzie prachodziła hulnia. U niejki momant Lisakovič staŭ ahresiŭna čaplacca da ludziej, što ledź nie pryviało da bojki. Partniory sprabavali supakoić Rusłana, adnak toj nie słuchaŭsia.
U vyniku Lisakovič nie biez dapamohi tych, da kaho čaplaŭsia, upaŭ na asfalt i mocna ŭdaryŭsia hałavoj. Paśla hetaha była vyklikana chutkaja dapamoha, jakaja dastaviła hulca ŭ balnicu. Tam paśla abśledavańnia vyrašyli, što apieracyjnaje ŭmiašańnie nie patrabujecca, adnak adpuskać hulca admovilisia, pakinuŭšy jaho pad nazirańniem.
Pavodle danych «Trybuny», na ranicu sierady Lisakovič usio jašče znachodziŭsia pad nazirańniem partuhalskich daktaroŭ. Adrazu paśla špitalizacyi futbalist pačuvaŭsia davoli kiepska, ale pastupova jaho stan palapšajecca.
Rusłanu Lisakoviču 21 hod, jon hulaje za «Dynama» z Machačkały (druhi rasijski dyvizijon). Jon ličycca adnym z najbolš talenavitych maładych hulcoŭ Biełarusi. Debiutavaŭ za nacyjanalnuju zbornuju raniej za moładzievuju. Jahonyja starejšyja braty Vital i Dźmitryj taksama futbalisty.
Ciapier čytajuć
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary