«Heta nie našy prablemy, Hiena». U Jekaciarynburhu aśpiranta z Habona zabili pad ździeklivyja kamientary palicejskich
U žniŭni 2023 hoda ŭ rasijskim Jekaciarynburhu zabili 32-hadovaha ŭradženca Habona, aśpiranta Uralskaha fiederalnaha ŭniviersiteta Fransua Ndžełasili. Jaho ŭdaryli nažom kala «Burhier Kinha» ŭ centry horada, paciarpieły pamior ad straty kryvi. Pry hetym dvoje miascovych palicejskich bačyli, jak čałavieka zabivajuć, ale nie ŭmiešvalisia, piša «Mieduza».
Złačynstva vyklikała šyroki hramadski rezanans. Abvinavačvany ŭ zabojstvie 23-hadovy Daniił Famin aryštavany. Pry hetym vidavočcy kazali, što za bojkaj nazirała dvoje palicejskich, jakija siadzieli ŭ słužbovaj mašynie DPS i da apošniaha nie ŭmiešvalisia.
Vydańnie E1.ru apublikavała videazapis hutarki, jakuju padčas bojki viali palicejskija Hienadź Izierhin i Ivan Alejnikaŭ. Jany amal piać chvilin abmiarkoŭvali ŭdzielnikaŭ bojki, pieradražnivali śviedak złačynstva (jakija prasili patrulnych umiašacca) i adpuskali rasisckija kamientary. Videa poŭnaje niecenzurnych vyrazaŭ.
Pad upłyvam hramadskaha rezanansu Słužba ŭłasnaj biaśpieki MUS praviała słužbovuju pravierku, pa vynikach jakoj inśpiektaraŭ DPS vyrašyli zvolnić «pa admoŭnych matyvach». U dačynieńni da Izierhina i Alejnikava raspačali kryminalnuju spravu pavodle artykuła ab złoŭžyvańni słužbovymi paŭnamoctvami. Im pahražaje da 10 hadoŭ pazbaŭleńnia voli.
Ciapier čytajuć
Stali viadomyja novyja detali ŭ maštabnaj spravie arhanizataraŭ kancertaŭ4
Kamientary