«Гэта не нашы праблемы, Гена». У Екацярынбургу аспіранта з Габона забілі пад здзеклівыя каментары паліцэйскіх
У жніўні 2023 года ў расійскім Екацярынбургу забілі 32-гадовага ўраджэнца Габона, аспіранта Уральскага федэральнага ўніверсітэта Франсуа Нджэласілі. Яго ўдарылі нажом каля «Бургер Кінга» ў цэнтры горада, пацярпелы памёр ад страты крыві. Пры гэтым двое мясцовых паліцэйскіх бачылі, як чалавека забіваюць, але не ўмешваліся, піша «Медуза».
Злачынства выклікала шырокі грамадскі рэзананс. Абвінавачваны ў забойстве 23-гадовы Данііл Фамін арыштаваны. Пры гэтым відавочцы казалі, што за бойкай назірала двое паліцэйскіх, якія сядзелі ў службовай машыне ДПС і да апошняга не ўмешваліся.
Выданне E1.ru апублікавала відэазапіс гутаркі, якую падчас бойкі вялі паліцэйскія Генадзь Ізергін і Іван Алейнікаў. Яны амаль пяць хвілін абмяркоўвалі ўдзельнікаў бойкі, перадражнівалі сведак злачынства (якія прасілі патрульных умяшацца) і адпускалі расісцкія каментары. Відэа поўнае нецэнзурных выразаў.
Пад уплывам грамадскага рэзанансу Служба ўласнай бяспекі МУС правяла службовую праверку, па выніках якой інспектараў ДПС вырашылі звольніць «па адмоўных матывах». У дачыненні да Ізергіна і Алейнікава распачалі крымінальную справу паводле артыкула аб злоўжыванні службовымі паўнамоцтвамі. Ім пагражае да 10 гадоў пазбаўлення волі.
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка5
Каментары