Žłabinčanku, jakaja «mocna lubić Łukašenku», ale paskardziłasia na miascovuju milicyju, nie pakidajuć u spakoi. Jaje znoŭ sudzili
Jak paviedamlajuć homielskija pravaabaroncy, 70-hadovuju piensijanierku Jevu Piskun ciapier sudzili za «raspaŭsiud ekstremisckich materyjałaŭ».
24 kastryčnika ŭ rajonnym sudzie Žłobina sudździa Śviatłana Rubachava razhladała administracyjnuju spravu pa č. 2 art. 19.11 KaAP RB (raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ, a taksama vyrab, vydańnie, zachoŭvańnie abo pieravozka z metaj raspaŭsiudžvańnia takoj infarmacyi), jakaja viałasia suprać Jevy Piskun.
Vynik pastanovy suda pravaabaroncam pakul nieviadomy.
16 maja 2023 hoda ŭ sudzie Žłobinskaha rajona sudździoj Śviatłanaj Andrejevaj razhladałasia kryminalnaja sprava, jakaja była ŭzbudžana pa artykule 188 Kryminalnaha kodeksa RB (paklop) u adnosinach da Jevy Piskun.
U kastryčniku stała viadoma, što 70-hadovaja žančyna da suda ŭtrymlivałasia ŭ IČU Žłobina i atrymała vialiki štraf.
Svaim sukamiernicam piensijanierka raspaviadała, što nazvała ŭ videa ŭ sacyjalnaj sietcy byłoha načalnika milicyi słužbovym złačyncam, bo jon nijak nie reahavaŭ na jaje zvaroty. Joj patelefanavali z prakuratury pad markaj padpisać niejkija dakumienty. Nibyta jany razabralisia. Babula pryjšła, i jaje zatrymali.
Adbyłosia heta, niahledziačy na toje, što žančyna zjaŭlajecca prychilnicaj Łukašenki.
— Babula raskazvała: «Ja ž vielmi mocna lublu Łukašenku. Ja prymała ŭsie papraŭki, jakija byli. Jak tak mianie mahli pasadzić da suda?» — raspaviadała byłaja sukamiernica Jevy Piskun.
Znajomy žančyny raskazaŭ žurnalistam, što paśla ździekaŭ u izalatary Jeva znachodzicca ŭ šoku. Sud pryznačyŭ joj vializny štraf, jaki jana nie viedaje, jak vypłacić.
Pavodle «Fłahštoka», Hienadź Mielnik, z-za jakoha piensijanierka trapiła pad pieraśled, bolš nie ŭznačalvaje Žłobinski RAUS — jon atrymaŭ pavyšeńnie ŭ Śledčym kamitecie ŭ Homieli. Adnak milicyjanty nie pakidajuć Jevu Piskun u spakoi.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary