U siektary Haza źnikli siem ahientaŭ źniešniaj raźviedki Rasii. Suviazi ź imi niama amal z pačatku vajny ŭ Izraili
Pra heta paviedamiŭ adzin z najbujniejšych izrailskich časopisaŭ Makor Rishon sa spasyłkaj na svaje krynicy. Miarkujecca, što heta stała asnoŭnaj pryčynaj palapšeńnia rytoryki Kramla ŭ adnosinach da Izraila.
«Havorka idzie pra 7 supracoŭnikaŭ Słužby źniešniaj raźviedki Rasii, adpraŭlenych u siektar Haza ŭsiaho kala dvuch miesiacaŭ tamu dla manitorynhu tam palityčnaj, vajskovaj, sacyjalnaj i ekanamičnaj situacyj. Praź niekalki dzion paśla pačatku vajny ŭ Izraili ź imi źnikła suviaź, jana adsutničaje na praciahu dvuch tydniaŭ», — paviedamlaje vydańnie Makor Rishon sa spasyłkaj na svaje krynicy ŭ Izraili i Rasii.
Pavodle vydańnia, Kreml vielmi zaniepakojeny losam svaich źnikłych ahientaŭ i dla vyśviatleńnia ŭsich detalaŭ viadzie niepubličnyja kantakty z adpaviednymi profilnymi viedamstvami Izraila.
Plus da ŭsiaho, pa śćviardžeńni krynic, źniknieńnie ahientaŭ raźviedki vymusiła rasijskaje kiraŭnictva źmiakčyć i navat palepšyć rytoryku ŭ dačynieńni da Izraila i jaho kontrdziejańniaŭ u Hazie suprać terarystaŭ CHAMAS.
«U apošnija dni da nas stali pastupać zapyty z Maskvy datyčna pošuku jaje źnikłych raźviedčykaŭ. Los hetych ahientaŭ staić dla Kramla vyšej, čym situacyja z vykradzienymi CHAMAS rasijanami i ŭvohule z amal 1000 rasijskich hramadzianaŭ u Hazie.
Źniknieńnie ahientaŭ stała realnaj pryčynaj raptoŭnaj źmieny tonu rasijskaha kiraŭnictva ŭ adnosinach da Izraila, što pryviało da publičnych zaklikaŭ Kramla da nieadkładnaha vyzvaleńnia zakładnikaŭ z pałonu CHAMAS», — raskazaŭ na ŭmovach ananimnaści vysokapastaŭleny izrailski čynoŭnik.
Jon taksama dadaŭ, što Rasija nie ŭpieršyniu hublaje svaich ahientaŭ u hetym rehijonie. Niekalki hadoŭ tamu ŭ Livii za ŭmiašańnie ŭ prezidenckija vybary miascovyja śpiecsłužby aryštavali troch supracoŭnikaŭ źniešniaj raźviedki Rasii. Dvuch ź ich udałosia vyzvalić dziakujučy namahańniam Jaŭhiena Pryhožyna, kiraŭnika PVK «Vahnier», jaki zahinuŭ u avijakatastrofie ŭ žniŭni hetaha hoda.
Nahadajem, što paśla masavaha napadu CHAMAS na terytoryju Izraila rasijskaja i biełaruskaja prapahanda pačała prasoŭvać antyizrailski paradak dnia, simpatyzujučy paleścinskim bajevikam i navat admaŭlajučy ich šmatlikija złačynstvy.
Taksama byli sproby vystavić rasijskija vajennyja dziejańni va Ukrainie bolš humannymi na fonie padziej u Izraili.
Na rasijskuju prapahandu ŭžo paśpieli adreahavać izrailskija miedyja. Dastałasia i prapahandystam režymu Łukašenki.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary