Śviet66

Bajden: My nie možam dapuścić, kab takija terarysty, jak CHAMAS, i takija tyrany, jak Pucin, pieramahli

Prezident ZŠA vystupiŭ z telezvarotam da suhramadzian, patłumačyŭšy, čamu jon prosić Kanhres vydzielić miljardy dalaraŭ na dapamohu i Izrailu, i Ukrainie.

Džo Bajden. Fota: Jonathan Ernst / Pool via AP

«My nie možam dapuścić i nie dapuścim, kab takija terarysty, jak CHAMAS i takija tyrany, jak Pucin, pieramahli», — skazaŭ prezident ZŠA Džo Bajden, tłumačačy ŭ telezvarocie da suhramadzian, čamu jon prosić Kanhres ZŠA vydzielić miljardy dalaraŭ na dapamohu i Izrailu, i Ukrainie, piša Bi-bi-si.

Na dumku Bajdena, jaki pastaviŭ CHAMAS i Pucina ŭ adzin šerah, i tyja, i druhi chočuć źniščyć susiedniuju demakratyčnuju krainu, i mienavita hetaha Złučanyja Štaty abaviazany nie dapuścić, pakolki pa-raniejšamu źjaŭlajucca vialikaj nacyjaj i majakom svabody i demakratyi dla ŭsiaho śvietu.

«CHAMAS i Pucin pradstaŭlajuć saboj roznaha kštałtu pahrozy, ale ich abjadnoŭvaje toje, što jany chočuć całkam źniščyć susiedniuju demakratyju», — skazaŭ Bajden.

Administracyja Bajdena rychtujecca zapytać Kanhres ab vydzialeńni adrazu 100 miljardaŭ dalaraŭ na vajennuju dapamohu sajuźnikam. Bolšaja častka z hetaha pakieta pojdzie Ukrainie i Izrailu, niejkuju častku atrymajuć Tajvań i inšyja sajuźniki.

Bajden patłumačyŭ, što pryniaćcie hetaha rašeńnia Kanhresam nieabchodna dla taho, u pryvatnaści, kab Ukraina stabilna, biez paŭz, atrymlivała dapamohu.

«Heta mudraje ŭkładańnie srodkaŭ, dyvidendy ź jakoha ŭ vyhladzie biaśpieki Amieryka budzie atrymlivać pakaleńniami, — skazaŭ Bajden. — Lidarstva Amieryki — voś što ŭmacoŭvaje mir. Sajuzy, stvoranyja Amierykaj, harantujuć našu biaśpieku, biaśpieku Amieryki. Amierykanskija kaštoŭnaści — voś što robić nas partnioram, ź jakim chočuć supracoŭničać inšyja krainy».

Prezident ZŠA Džo Bajden skazaŭ, što zapyt na vydzialeńnie mnohich miljardaŭ dalaraŭ (Bajden nie skazaŭ, kolkich mienavita, ale, pavodle papiaredniaj infarmacyi, budzie 100 młrd) na vajskovuju dapamohu Ukrainie, Izrailu i inšym sajuźnikam ZŠA jon pieradaść u Kanhres užo siońnia.

Pa źviestkach amierykanskaj presy, Ukrainie buduć pryznačanyja 60 z hetych 100 miljardaŭ, a Izrailu — 14 miljardaŭ.

«Heta razumnaja inviestycyja, dyvidendy ź jakoj u vyhladzie biaśpieki Amieryka budzie atrymlivać pakaleńniami, — skazaŭ Bajden. — Jana dapamoža źbierahčy amierykanskich vajskoŭcaŭ. Jana dapamoža nam pabudavać dla našych dziaciej i ŭnukaŭ śviet, jaki budzie bolš biaśpiečnym, bolš mirnym i bolš kvitniejučym».

«Kali terarysty nie raspłačvajucca za teror, kali dyktatary nie raspłačvajucca za ahresiju, jany niasuć jašče bolš chaosu, śmierci i ahresii. Jany praciahvajuć dziejničać, i košt i pahrozy dla Amieryki i ŭsiaho śvietu praciahvajuć raści. Tak što kali my nie spynim Pucina ź jaho prahaj ułady i imknieńniem kantralavać Ukrainu, jon nie abmiažujecca adnoj tolki Ukrainaj».

Kamientary6

  • db
    20.10.2023
    kurkulatar, u artykule ŭsio raśpisana, navučysia čytać, zamiest napisańnia łuchty.
  • Džo
    20.10.2023
    Pucin i chamas - terarysty. A terarystaŭ treba źniščać
  • Usim patrebna vajna
    20.10.2023
    kurkulatar, sabie ŭ kišeniu. Pucinu patrebna vajna kab trymacca ŭ kramli, amierykancam kab piłavać hrošy

Ciapier čytajuć

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak11

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak

Usie naviny →
Usie naviny

Z Čyrvonaha kaścioła ŭ Minsku ŭžo niekalki dzion vyvoziać rečy8

Biełaruskija siłaviki vyvieźli zatrymanaha rasijskaha komika ŭ les i katavali elektrašokieram25

Zialenski pierapyniŭ bryfinh, bo jamu ŭ pramym efiry pazvaniŭ Makron3

«Nie spracavała ni adna ź sistem biaśpieki». Uładalnik Belgee, jaki dniami pieraviarnuŭsia ŭ Minsku, vyrašyŭ sudzicca z vytvorcam19

Rasijski paet i dramaturh pamior paśla taho, jak jaho adchilili ad praviadzieńnia cyrymonii adkryćcia fiestyvalu animacyi

Paźniak navučyŭ tvitarskich novamu słovu — «łapidarny». Jak heta zdaryłasia?69

Žychary prymiežnaj polskaj vioski vystupili suprać vyški dla nazirańnia za Biełaruśsiu5

Zialenski zajaviŭ, što Ukraina atrymała novuju partyju źniščalnikaŭ F-16

Inaŭhuracyju Łukašenki pastavili na Dzień Voli52

bolš čytanych navin
bolš łajkanych navin

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak11

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak

Hałoŭnaje
Usie naviny →

Zaŭvaha:

 

 

 

 

Zakryć Paviedamić