U Minsku raspradajuć biblijateku Maksima Łužanina i Jaŭhienii Pflaŭmbaŭm
Na anłajn-aŭkcyjonach iduć aktyŭnyja tarhi knihami ź biblijateki viadomaj biełaruskaj piśmieńnickaj siamji. U prodažy — knihi z aŭtohrafami ruskich i ŭkrainskich piśmieńnikaŭ 1920-ch hadoŭ, zbor tvoraŭ ruskich simvalistaŭ u pieršych vydańniach i inšaje, piša Bellit.info.
Debiutnaja kniha vieršaŭ ruskaha paeta Barysa Karniłava (rasstralany ŭ 1938 hodzie) z aŭtohrafam Jaŭhienii Pflaŭmbaŭm
Knihi ŭkrainskaha paeta Uładzimira Hadzińskaha z aŭtohrafami Jaŭhienii Pflaŭmbaŭm 1925 i 1927 hadoŭ
Kniha ruskaha paeta Alaksandra Prakofjeva z aŭtohrafam Maksimu Łužaninu
Tamsama raspradajecca i častka knih z uładalnickimi zapisami represavanaha biełaruskaha krytyka i litaraturaznaŭcy Mikoły Alachnoviča. Mahčyma, častka jaho biblijateki pierajšła da Maksima Łužanina.
Siamiejnaja para, Maksim Łužanin (1909—2001) i Jaŭhienija Pflaŭmbaŭm (1908—1996), — viadomyja biełaruskija paety, aktyŭnyja ŭdzielniki litaraturnaha ruchu 1920-ch hadoŭ. Ich knižnyja zbory — niešmatliki prykład piśmieńnickaj biblijateki, acalełaj paśla stalinskaha teroru.
Kamientary