Siečyn: Rasija prapanavała Biełarusi biaspošlinna pastaŭlać tolki naftu dla ŭnutranaha spažyvańnia
Adpaviednuju prapanovu rasijski bok vykazaŭ Biełarusi padčas vyšejšaha dziaržsavieta sajuznaj dziaržavy ŭ Maskvie.
Rasija prapanavała Biełarusi biaspošlinna pastaŭlać 5—6 młn. ton nafty dla ŭnutranaha spažyvańnia.
Pra heta 18 śniežnia ŭ Sankt‑Pieciarburhu zajaviŭ žurnalistam rasijski vice‑premjer Ihar Siečyn, paviedamlaje RIA Novosti.
Pavodle słoŭ Siečyna, adpaviednuju prapanovu rasijski bok vykazaŭ Biełarusi padčas vyšejšaha dziaržsavieta sajuznaj dziaržavy ŭ Maskvie. Jon zaznačyŭ, što takaja prapanova była zroblena z ulikam «brackich adnosinaŭ» dźviuch krain.
Vice‑premjer padkreśliŭ, što biaspošlinnyja pastaŭki buduć tyčycca tolki nafty dla ŭnutranaha spažyvańnia Biełarusi, u toj čas jak uvieś astatni abjom poŭnaściu budzie abkładacca ekspartnymi pošlinami.
Z 2010 hoda pierastaje dziejničać panižalny kaeficyjent na pastaŭki nafty i naftapraduktaŭ u Biełaruś, jaki sioleta składaje 0,356, nahadaŭ Siečyn.
Pavodle słoŭ rasijskaha vice‑premjera, biełaruski bok zacikaŭleny ŭ zachavańni hetaha kaeficyjenta. Adnak Maskva nie zhodna z takoj pastanoŭkaj pytańnia, bo pry ciapierašniaj situacyi rasijskaja naftapierapracoŭčaja pramysłovaść znachodzicca ŭ mienš vyhadnych umovach, čym biełaruskaja.
Siečyn paviedamiŭ, što prezident Rasii daručyŭ padrychtavać adpaviednyja dakumienty, jakija pavinny być padpisany da kanca hetaha hoda, kab dźvie krainy zmahli pierajści na biaspošlinnyja pastaŭki nafty. Pry hetym jon dadaŭ, što ŭžo 19 śniežnia buduć pravodzicca pieramovy ŭ Maskvie ź biełaruskimi partniorami.
Raniej pieršy vice‑premjer Biełarusi Uładzimir Siamaška zajaviŭ pra dasiahnutyja z rasijskim bokam damoŭlenaści ab biaspošlinnych pastaŭkach nafty ŭ Biełaruś dla ŭnutranaha spažyvańnia ŭ abjomie 8—9 młn. ton. Hetuju ličbu nazvaŭ 17 śniežnia ŭ efiry telekanała «Viesti» i Siečyn.
Rasija zaniepakojena vypadkami niesankcyjanavaha tranzitu cieraz svaju terytoryju elektraenierhii, što vyrablajecca ŭ trecich krainach, dla Biełarusi. Pra heta zajaviŭ žurnalistam vice‑premjer RF Ihar Siečyn 18 śniežnia ŭ Sankt‑Pieciarburhu, paviedamlaje RIA Novosti.
Pavodle jaho słoŭ, prapanovy pa vyrašeńni hetaj prablemy Rasija ŭžo vykazała biełaruskim partnioram. Sutnaść hetych prapanoŭ vice‑premjer nie raskryŭ.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary