Telefonnyja machlary pierakanali achviaru raźbić dźviery ŭ banku
Vypadak adbyŭsia 2 listapada z 47-hadovym žycharom Dziaržynskaha rajona, paviedamlaje vydańnie «Uzvyšša».
Dniom mužčynu patelefanavała «supracoŭnica milicyi», jakaja paviedamiła, što na jaho imia ŭ adnym z bankaŭ nieviadomaja žančyna niezakonna sprabuje aformić kredyt. Złamyśniki pierakanali achviaru ŭ nieabchodnaści źjeździć na nastupny dzień u Fanipal i anulavać «jahony kredyt» šlacham afarmleńnia inšaha kredytu.
Mužčyna abyšoŭ niekalki adździaleńniaŭ bankaŭ Fanipala, ale jamu było admoŭlena ŭ vydačy kredytaŭ.
Uśviadomiŭšy, što vykraści ŭ davierlivaha biełarusa hrošy nie atrymajecca, afierysty vyrašyli adpomścić.
Jany pierakanali mužčynu, što złačyncy, jakija chacieli vykraści jaho hrošy, pracujuć u banku, i, kab ich «pakarać», jamu nieabchodna raźbić uvachodnyja dźviery ŭ adździaleńnie.
Na patrabavańnie kibierzłačyncaŭ mužčyna padyšoŭ da nazvanaha budynka i kamieniem paškodziŭ uvachodnyja dźviery. Jon tut ža byŭ zatrymany supracoŭnikam achovy.
SK raspačaŭ u dačynieńni da mužčyny kryminalnuju spravu pa č. 1 art. 339 (Chulihanstva).
Supracoŭniki Śledčaha kamiteta nastojliva rekamiendujuć hramadzianam uklučać krytyčnaje myśleńnie pry razmovach pa telefonie na temy finansavaha charaktaru ź nieznajomymi surazmoŭcami, jakija nazyvajucca rabotnikami bankaŭ, milicyjantami, śledčymi, prakurorami. Samaje lepšaje rašeńnie — spynić telefanavańnie i samastojna źviarnucca ŭ milicyju ci ŭ najbližejšaje adździaleńnie banka.
Ciapier čytajuć
Što viadoma pra dačku i ziacia novaha premjera Turčyna4
Što viadoma pra dačku i ziacia novaha premjera Turčyna
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary