Estonija nabrała ŭsiaho adzin bał u adbory, ale zhulaje ŭ płej-of da Jeŭra-2024. Paradoks, ale heta fakt

Detal adboru na Jeŭra-2024, jakaja nie ŭkładvajecca ŭ hałavie: Estonija nabrała ŭ hrupie F tolki adzin bał, ale ŭsio jašče moža trapić u finalnuju stadyju turniru, piša sports.ru.

Pavialičyć

Estoncy apošnija ŭ hrupie. Usiaho dva hały za ŭvieś adbor.

Estonija stała piataj ź piaci ŭ hrupie ź Bielhijaj, Aŭstryjaj, Šviecyjaj i Azierbajdžanam. Adzinaje ačko nabrali ŭ haściavym matčy z azierbajdžancami — zhulali 1:1. Pryčym heta było ŭ druhim tury i adrazu paśla dobraha matča z aŭstryjcami, kali zabili pieršymi, bolš za 40 chvilin na vyjeździe viali i prapuścili vyrašalny miač na 88-j chvilinie.

Ale dalej — pravał. Atrymali 0:3 i 0:5 ad Bielhii, jašče 0:5 u Talinie ad Šviecyi i skacilisia.

Za ŭvieś adbor tak i zastałosia tolki dva miačy — u pieršych dvuch matčach. Abodva ŭ forvarda Raŭna Sapiniena, jaki z pačatku vieraśnia biez kłuba, a raniej vystupaŭ za polskuju «Stal», za jakuju ciapier hulaje biełarus Illa Škuryn.

Prapuścili estoncy ŭ 11 razoŭ bolš — 22 hały.

Pavialičyć

U papiarednim adbory na Jeŭra biełarusy hulali razam z Estonijaj i apiaredzili ich. Tady ŭ Talinie naša kamanda vyjhrała 2:1, a ŭ Minsku była ničyja — 0:0. Tady kanstrukcyja adboru na Jeŭra była krychu inšaj, miesca na kantynientalnaje pieršynstvo razyhryvali ŭnutry Lihi D: naša kamanda prajhrała paŭfinał Hruzii 0:1, taja finał prajhrała Paŭnočnaj Makiedonii. U Estonii ŭ rejtynhu FIFA ciapier 118-je miesca, Biełaruś — 100-ja.

U zbornaj Estonii ŭsio jašče hulaje, naprykład, Kanstancin Vasiljeŭ — jamu ŭžo 39 hadoŭ, ale pa miascovych mierkach jon u poŭnym paradku. Zrabiŭ svaju «Fłoru» čempijonam krainy i staŭ najlepšym hulcom unutranaj lihi.

Jość abaroncy Maksim Paskočy, jaki niekalki hadoŭ pravioŭ u sistemie «Totenchema», i Markus Poam — syn lehiendy estonskaha futboła Marta Poama. Asnoŭny bramnik — Karł Chejn, jakoha ŭ 2019-m nabyŭ łondanski «Arsienał» i adrazu addaŭ u arendu «Redynhu» (druhi dyvizijon).

Trenier — 49-hadovy šviejcarac Tomas Chebierli. Jon pracuje z 2021-ha, da hetaha źmianiŭ šmat pasad u «Janh Bojz» i «Bazieli», pierad pierajezdam jaho zvolnili z «Lucerna» praz drennyja vyniki.

Jak Estonii trapić na Jeŭra?

Šaniec usio jašče jość za košt rejtynhu Lihi nacyj, a taksama raźviazcy na karyść Čechii i Italii ŭ apošnim tury.

Estoncy zaniali ŭ Lizie D (z Łatvijaj, Małdovaj, Maltaj, Andory, San-Maryna i Lichtenštejnam) pieršaje miesca, hulali ŭ padhrupie sa słabiejšymi — maltyjcami i San-Maryna, vyjhrali ŭsie čatyry matčy, ale z Maltaj mučylisia, ale vyrvali pieramoh.

U rejtynhu lihi, jaki abjadnoŭvaŭ dźvie hrupy, Estonija apiaredziła Łatviju — choć treba pryznać, što ŭmovy byli niaroŭnymi, tamu što łatvijcy paralelna hulali suprać značna bolš mocnaj u hetym adbory Małdovy i jak raz ź joj stracili klučavyja bały.

U vyniku Estonija jak lidar Lihi D stała pieršym pretendentam na volnaje miesca ŭ płej-of kvalifikacyi.

Tak i adbyłosia ŭ lizie A: kali Čechija abyhrała Małdovu, a Italija zhulała ŭničyju z Ukrainaj, hetyja dźvie kamandy vyjšli na čempijanat Jeŭropy, značyć słot dla Estonii vyzvaliŭsia.

Estoncy jak nižejšyja pa rejtynhu, zhulajuć paŭfinał płej-of na vyjeździe, supiernikam moža być Polšča ci dźvie zbornyja z trojki kamand Ukraina/Finlandyja/Isłandyja (vyznačycca na losavańni 23 listapada).

Kab trapić na Jeŭra, spatrebicca vyjhrać paŭfinał 21 sakavika i finał 26 sakavika.

Biełarusy ŭ hety čas buduć zmahacca ź Litvoj za prava zastacca ŭ dyvizijonie S Lihi nacyj.

• 3
• 0
• 1
• 3
• 2
• 0
• 2
• 0