Čym niebiaśpiečnyja parkavyja vaviorki i jak nie zarazicca ad ich chvarobami
Sproba ŭziać parkavuju vaviorku na ruki moža skončycca nie tolki drapinami, ale i niebiaśpiečnymi infiekcyjami. Śpiecyjalisty nahadvajuć, što da dzikich žyvioł treba stavicca aściarožna i nie sprabavać naładžvać ź imi niepasredny kantakt, piša ahienctva «Minsk-Naviny».
Niekatoryja ludzi ŭsprymajuć vaviorak jak chatnich hadavancaŭ: kormiać ich arechami, biaruć na ruki i sprabujuć pahładzić. Adnak vaviorki, jak i ŭsie ciepłakroŭnyja žyvioły, mohuć pieranosić šalenstva.
Najbolš raspaŭsiudžany šlach zaražeńnia — ukus, kali ślina žyvioły traplaje ŭ ranu. Zarazicca taksama možna praz drapiny abo pry traplańni bijałahičnych vadkaściaŭ žyvioły na ślizistyja abałonki čałavieka.
Zvyčajnaja reakcyja vaviorki na sprobu čałavieka nablizicca — ucioki. I heta dobry znak, bo adnym z asnoŭnych simptomaŭ šalenstva źjaŭlajecca adsutnaść strachu pierad čałaviekam. Kali ŭsio ž chočacca pačastavać vaviorku, arechi lepš pakłaści na ziamlu kala dreva, nie sprabujučy dakranacca da žyvioliny.
U Minsku ŭ 2026 hodzie vypadkaŭ zaražeńnia ludziej šalenstvam paśla kantaktu z vaviorkami nie zafiksavali. Adnak žyvioły kusali i drapali ludziej, a ich ślina traplała ŭ kroŭ paciarpiełych. Ludzi svoječasova źviartalisia pa miedycynskuju dapamohu i prachodzili kurs antyrabičnych pryščepak, što dazvalała praduchilić zaražeńnie.
Paśla niebiaśpiečnaha kantaktu z žyviolinaj čałavieku mohuć pryznačyć šeść ukołaŭ. Vielmi važna pačać prafiłaktyku da źjaŭleńnia kliničnych simptomaŭ šalenstva, bo paśla ich uźniknieńnia chvaroba praktyčna zaŭsiody zakančvajecca śmierciu.
Akramia taho, vaviorki mohuć pieranosić i inšyja infiekcyi, u tym liku tularemiju. Dla raźvićcia ciažkaj formy hetaha zachvorvańnia dastatkova traplańnia ŭ arhanizm usiaho dziesiaci bakteryj. U najbolš ciažkich vypadkach chvaroba moža nahadvać siepsis i supravadžacca vysypkaj, pnieŭmanijaj i pamutnieńniem śviadomaści.
Tamu śpiecyjalisty rajać nazirać za žyviołami na biaśpiečnaj adlehłaści.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary5
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Darečy, z taho času tolki adnojčy vaviorka patrapiła mnie na vočy ŭ tym parku. Padobna, što jany tam źvialisia, varony nie dali spakojnaha žyćcia.