Biełarusaŭ, jakich litoŭcy pryznali pahrozaj nacyjanalnaj biaśpiecy, užo 1644
Litva ź listapada minułaha hoda pryznała 1644 biełarusaŭ pahrozaj nacyjanalnaj biaśpiecy, paviedamlaje Departamient mihracyi pry MUS Litvy.
Ź listapada minułaha hoda 562 biełarusam było admoŭlena ŭ dazvole na žycharstva ŭ Litvie, a 343 biełarusam było vyrašana jaho nie praciahvać. Taksama było pryniata 450 rašeńniaŭ ab anulavańni DNŽ, vydadzienych biełarusam.
Dvojčy biełaruskim hramadzianam admaŭlali ŭ vydačy pastajannaha vidu na žycharstva ŭ Litvie, 8 razoŭ prymalisia rašeńni ab anulavańni takich dakumientaŭ. Jašče 279 biełarusam było admoŭlena ŭ atrymańni nacyjanalnaj litoŭskaj vizy.
Bolšaść rašeńniaŭ byli pryniatyja paśla zapaŭnieńnia śpiecyjalnaj ankiety, u jakoj jość pytańni ab staŭleńni da vajny va Ukrainie i prynaležnaści Kryma. Akramia taho, u joj jość pytańni ab kantaktach sa śpiecsłužbami, słužbie ŭ vojsku ci siłavych viedamstvach i hetak dalej.
U žniŭni hetaha hoda paviedamlałasia, što pahrozaj nacyjanalnaj biaśpiecy byli pryznanyja 910 biełarusaŭ.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
jakoj jość pytańni ab staŭleńni da vajny va Ukrainie i prynaležnaści
Kryma.