19 listapada pamior viadomy biełaruski fizik-tearetyk, člen-karespandent Nacyjanalnaj akademii navuk Biełarusi, doktar fizika-matematyčnych navuk, prafiesar Leŭ Tamilčyk. Jamu było 92 hady.
Naradziŭsia Leŭ Tamilčyk 1 krasavika 1931 hoda ŭ Minsku. U 1954-m z adznakaj skončyŭ fizika-matematyčny fakultet BDU i pastupiŭ u aśpiranturu BDU, dzie zajmaŭsia pad kiraŭnictvam akademika Fiodara Fiodarava.
U 1957-m Tamilčyk pierajšoŭ u Instytut fiziki AN BSSR, dzie pracavaŭ praktyčna ŭsio žyćcio, u 1987—2004 hadach zahadvaŭ łabaratoryjaj tearetyčnaj fiziki, paśla byŭ hałoŭnym navukovym supracoŭnikam łabaratoryi fundamientalnych uzajemadziejańniaŭ. U 1963—1970 hadach taksama zajmaŭ pasadu vučonaha sakratara Adździaleńnia fizika-matematyčnych navuk AN BSSR.
Navukovyja intaresy Tamilčyka byli źviazanyja z tearetyčnymi pytańniami elektradynamiki, fiziki elemientarnych čaścic, mietadałahičnymi asnovami navuki. Kandydackuju dysiertacyju jon abaraniŭ pa temie «Elektramahnitnyja chvali ŭ pravodnych mahnitnych anizatropnych asiarodździach», a doktarskuju — pa temie «Dualnaja invaryjantnaść i mahnitny zarad u elektradynamicy». Taksama pad jaho niepasrednym kiraŭnictvam byli abaronienyja 11 kandydackich i 1 doktarskaja dysiertacyja.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary