Chutki sup z fasolaj i harodninaj — haračy abied u ziabkaje nadvorje. Recept
Što moža być lepšym za talerku haračaha supu paśla praciahłaha špacyru ŭ ziabkaje nadvorje? Hety sup ź biełaj fasoli adnaznačna varta pakaštavać. Recept vielmi prosty, biez anijakich składanych krokaŭ. Možna vykarystoŭvać kansiervavanuju fasolu, kab zrabić stravu chutčej.
Fota: Bill Boch / Getty Images
Składniki:
- 1 stałovaja łyžka aleju
- 1 vialikaja cybulina, narezanaja
- 2 zdrobnienyja zubki časnaku
- 2—3 bujna narezanyja morkvy
- 2—3 ściabły sieldereju, narezanyja
- 6 šklanak aharodninnaha bulonu
- 1 čajnaja łyžka sušanaha čabaru
- ½ čajnaj łyžki arehana
- 1 čajnaja łyžka soli
- ½ čajnaj łyžki čornaha piercu
- 3 blašanki kansiervavanaj biełaj fasoli pa 420 h, asušanaj i pramytaj
- 2 kubki maładoha špinatu
- drobna narezanaja śviežaja piatruška dla padačy
- ciorty syr parmiezan na žadańnie, dla padačy
Jak hatavać:
- U vialikaj kastruli nahrejcie alej na siarednim ahni. Dadajcie cybulu i hatujcie, pakul jana nie stanie prazrystaj, kala 3—5 chvilin. Dadajcie časnok, morkvu, sielderej, čabor, arehana, sol i pierac i hatujcie jašče 2—3 chviliny.
- Dadajcie aharodninny bulon i fasolu, daviadzicie da kipieńnia, źmienšycie ahoń i varycie 15 chvilin, kab usie smaki złučylisia.
- Dadajcie špinat i praciahvajcie varyć, pakul jon nie zavianie, kala dźviuch chvilin.
- Źnimicie z ahniu, pasypcie śviežaj piatruškaj i ciortym parmiezanam, kali chočacie, i adrazu padavajcie.
Bolš receptaŭ:
Z čaho varać i jak nazyvajuć tradycyjnyja biełaruskija supy
Recept na vychadnyja. Kuryca parma — kłasika, pra jakuju vy jašče nie viedali
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary