Usiaho patrochu99

Pa śviecie raspaŭsiudžvajecca virus, jaki pieraŭtvaraje žyviołaŭ u «zombi». Jość ryzyka pieradačy chvaroby ludziam

Apošnija hady vyjaŭlajecca bolš vypadkaŭ vielmi zaraznaj i śmiarotnaj chvaroby «aleniaŭ-zombi», jakaja robić mlekakormiačych ź siamiejstva alenievych padobnymi da žyvych mierćviakoŭ i ad jakoj nie isnuje lekaŭ. Navukoŭcy dapuskajuć, što zaražanyja žyvioły mohuć pieradać chvarobu ludziam i vyklikać katastrofu.

Adzin z vypadkaŭ zaražeńnia alenia «zombi-chvarobaj» u ZŠA. Fota: Mark Hirsch / Contributor Getty Images

Navukoŭcy i čynoŭniki ŭ ZŠA zabili tryvohu z-za vyjaŭleńnia sotniaŭ vypadkaŭ chvaroby «aleniaŭ-zombi» ŭ nacyjanalnym parku «Jełaŭston», najbujniejšym pryrodnym zapaviedniku krainy, jaki štohod naviedvajuć miljony turystaŭ.

Pieršy vypadak chvaroby ŭ parku byŭ zafiksavany jašče ŭ listapadzie, kali navukoŭcy znajšli zaražany trup darosłaha samca alenia-muła. Paśla hetaha ŭłady štata Vajominh, dzie znachodzicca «Jełaŭston», i niekalkich susiednich štataŭ nastojliva rekamiendavali palaŭničym nie ŭžyvać miasa žyvioł, jakija vyhladajuć chvorymi, pieradaje vydańnie The Guardian.

Chvaroba «aleniaŭ-zombi», ci, pa-navukovamu, chvaroba chraničnaha źniasileńnia (Chronic Wasting Disease, CWD) — heta vielmi zaraznaje, śmiarotnaje i nievylečnaje zachvorvańnie, uzbudžalnikam jakoha źjaŭlajucca pryony (anamalnyja białki, jakija raźjadajuć mozh žyvych istot).

«Ličycca, što chvaroba raspaŭsiudžvajecca tolki siarod žyvioł siamiejstva alenievych, traplajučy da ich u mozh i pavolna źniščajučy jaho. U zaražanych žyvioł źnikaje strach pierad ludźmi, a taksama źjaŭlajucca «pusty pozirk», mlavaść, chudarlavaść, praźmiernaje ślinavydzialeńnie, dziŭnyja chaatyčnyja ruchi», — piša The Guardian sa spasyłkaj na navukoŭcaŭ.

Voś, jak heta vyhladaje. Videa źniata ŭ ZŠA letam minułaha hoda.

Akramia hetaha chvaroba źjaŭlajecca vielmi ŭstojlivaj da dezynfiekcyjnych srodkaŭ, radyjacyi i ekstremalna vysokich tempieratur.

Za apošnija hady patahien paśpieŭ raspaŭsiudzicca na 31 štat ZŠA, Kanadu, Narviehiju, Finlandyju, Šviecyju, Paŭdniovuju Kareju i Rasiju. 

Z-za niemahčymaści lačeńnia CWD lubyja zaražanyja asobiny zabivajucca, a ich cieły spalvajucca. Pierad hetym zony raspaŭsiudžvańnia chvaroby apieratyŭna łakalizujucca, adnak nie zaŭsiody atrymlivajecca adsačyć vypadki zaražeńnia, bo simptomy časta vyjaŭlajucca tolki praz hod paśla traplańnia pryonaŭ u arhanizm žyvioł.

Pry hetym, jak adznačaje The Guardian sa spasyłkaj na navukoŭcaŭ, isnuje ryzyka pieradačy dadzienaha zachvorvańnia ad žyvioł da čałavieka, bo jaho masavaje raspaŭsiudžvańnie siarod žyvioł moža pryvieści da mutacyj patahiena.

Plus da ŭsiaho, u łabaratornych umovach CWD zmoh paśpiachova pieradacca hryzunam i niekatorym prymatam.

«Ale nichto nie havoryć, što pieradača zachvorvańnia ludziam abaviazkova adbudziecca. My havorym tolki pra patencyjał čahości padobnaha, i ludziam važna być hatovymi. Tym bolš, što ciapier z pryčyny raspaŭsiudžvańnia patahiena ŭ «Jełaŭstonie» ludzi buduć čaściej abmiarkoŭvać i sustrakać chvarobu ŭ pryrodzie, što zrobić staŭleńnie ŭładaŭ da hetaj prablemy bolš surjoznym i pilnym», — miarkujuć navukoŭcy.

Kamientary9

  • Mafkees
    27.12.2023
    Rośsijanam prihotoviťsia,zaraza razrabotannaja v siekrietnych łaboratorijach SŠA i Ukrainy śpiecialno pod vybory putiena.
  • Užo
    27.12.2023
    Mafkees , dyk vańki i tak jak zombi iduć u čarnaziom za ŭnitazami.
  • Akupacyja
    27.12.2023
    9.5 miljonaŭ zambanutych i biez hetaha, maŭčać i chodziać na rabotu

Ciapier čytajuć

Jak za hod źmianiłasia kolkaść biełarusaŭ u Litvie. Ličby ŭražvajuć7

Jak za hod źmianiłasia kolkaść biełarusaŭ u Litvie. Ličby ŭražvajuć

Usie naviny →
Usie naviny

Suŭładalnika «Varhiejminha» Mikałaja Kacałapava abvinavačvajuć u danatach apazicyjnym strukturam na sotni tysiač dalaraŭ11

Ci sapraŭdy delehaty KR admovilisia prachodzić palihraf? Kraŭcoŭ adkazvaje Žyharu28

U Mjanmie z-za ziemlatrusu navat na miesiac spyniajuć hramadzianskuju vajnu2

Žančyna chacieła pradać rečy na «Kufry» i ledź nie zastałasia biez hrošaj1

Byłuju biełaruskuju žurnalistku z prytułkam u Čechii abvinavacili ŭ pracy na rasijskuju raźviedku18

U Irkuckaj vobłaści raźbiŭsia rasijski vajskovy samalot2

U Słavienii pieršy biełarus atrymaŭ pašpart inšaziemca

Stała viadoma pra maštabny rejd KDB naprykancy sakavika7

Iłan Mask u najbližejšyja tydni moža spynić vykanańnie abaviazkaŭ u administracyi Trampa1

bolš čytanych navin
bolš łajkanych navin

Jak za hod źmianiłasia kolkaść biełarusaŭ u Litvie. Ličby ŭražvajuć7

Jak za hod źmianiłasia kolkaść biełarusaŭ u Litvie. Ličby ŭražvajuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić