Kampanija maje namier u nastupnyja 10 hadoŭ uvajści ŭ top-5 suśvietnych vytvorcaŭ aŭtamabilaŭ.
Kitajski vytvorca elektroniki Xiaomi pradstaviŭ siońnia svoj pieršy elektramabil — siedan SU7, piša Kommersant.ru.
Xiaomi zajaviła, što ŭ najbližejšyja 15-20 hadoŭ maje namier uvajści ŭ «top-5 suśvietnych vytvorcaŭ aŭtamabilaŭ i padniać usiu aŭtamabilnuju industryju Kitaja». Kampanija maje namier ukłaści $10 młrd u najbližejšyja 10 hadoŭ u vytvorčaść aŭtamabilaŭ.
Abrevijatura SU u naźvie pieršaj madeli Xiaomi aznačaje Speed Ultra. SU7 — heta 4-dźviarny siedan z daŭžynioj kuzava 4997 mm, šyrynioj 1963 m, vyšynioj 1455 mm.
Vypuskacca jon budzie ŭ dvuch varyjantach: adzin z akumulatarnaj batarejaj 73,6 kV•h i mahutnaściu ruchavika 299 k. s., druhi — 101 kV•h i 374 k. s. adpaviedna.
Maksimalnaja chutkaść madelaŭ — 210 km/h i 265 km/h. Na adnoj zaradcy elektramabil moža prajechać da 800 km.
U 2025 hodzie Xiaomi płanuje zapuścić jašče adnu madel elektramabila V8 z akumulataram 150 kV•h i prabieham biez dazaradki da 1200 km.
Vytvorčaść SU7 užo zapuščana ŭ Piekinie na zavodzie aŭtamabilnaj kampanii BAIC Group.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary