Vialikabrytanija, vierahodna, pastaviła Ukrainie rakiety z bolšaj dalnabojnaściu, čym zajaŭlałasia
Niamieckaje vydańnie Bild sa spasyłkaj na vajskovaha ekśpierta paviedamiła, što Ukraina, vielmi vierahodna, atrymała ad Vialikabrytanii rakiety Storm Shadow z bolšaj dalnabojnaściu, čym heta paviedamlałasia aficyjna.
Hienierał bundeśviera ŭ adstaŭcy i vajskovy ekśpiert Erchard Biuler zajaviŭ, što ŭ inšym vypadku Ukraina nie zmahła b źniščyć desantny karabiel «Novačarkask» u porcie Fieadosii.
Da hetaha porta pa pramoj było 250 kiłamietraŭ ad linii frontu, adnak rakiety dakładna lacieli nie tak, jak ich by zapuskali adtul. Zapuskali ich u hłybini terytoryi, jakaja znachodzicca pad kantrolem USU.
«Kryłataja rakieta pavinna była pralacieć bolš za 250 km nad akupavanaj terytoryjaj. Dla hetaha treba viedać, dzie raźmieščanyja pazicyi RŁS i SPA. Heta nie robicca prosta tak», — padzialiŭsia mierkavańniem hienierał Biuler.
«Uvohule i ŭ cełym heta aznačaje, što Ukraina maje kryłatyja rakiety z realnaj dalnabojnaściu 400 km. […]
Svaboda pieramiaščeńnia Čarnamorskaha fłotu značna abmiežavanaja. Ciapier Fieadosija, adzin z apošnich krymskich partoŭ, jakija ličylisia biaśpiečnymi, bolš nie biaśpiečny port dla Rasii. […]
Pa šmatlikich druhasnych vybuchach vidać, što na desantnym karabli była vialikaja kolkaść bojeprypasaŭ. My viedajem, što hetyja karabli vykarystoŭvajucca rasijanami jak transpartnyja sudny», — raskazaŭ vajskovy ekśpiert.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary