Chłopiec ź Lidy zamiest vajenkamata pajšoŭ na apieracyju na nosie — i atrymaŭ hod chimii za ŭchileńnie ad vojska
Žychar Lidy padčas pryzyŭnoj kampanii ŭziaŭ balničny, kab vypravić pieraharodku ŭ nosie. U hetym ubačyli namier na ŭchileńnie ad pryzyvu i asudzili mužčynu na hod «chimii». Adpaviednaje rašeńnie suda Lidskaha rajona vyniesiena 11 kastryčnika ŭ vyjaznym pasiadžeńni ŭ rajonnym vajenkamacie, piša Hrodna.life.
Na sudzie stała viadoma, što lidčanin nie pryjšoŭ na miedahlad pa poźvie, choć atrymaŭ jaje pad podpis. Toj pahadziŭsia: skazaŭ, što prajšoŭ ahlad dla vajenkamata amal va ŭsich daktaroŭ. A potym pryjšoŭ u Lidskuju centralnuju rajonnuju balnicu i atrymaŭ balničny praz prastudu jak navučeniec. Na pytańnie miedyka jon schłusiŭ, što nie źjaŭlajecca pryzyŭnikom.
Na paŭtorny pryjom u balnicy chłopiec nie źjaviŭsia. Z prośbaj padoŭžyć balničny pryjšła jaho babula, ale joj admovili. U toj ža dzień lidčanin źjechaŭ z horada i da kanca pryzyvu tak i nie prajšoŭ ahlad u psichijatra. U inšym horadzie jon paprasiŭsia ŭ balnicu prajści analizy i špitalizavacca sa zrušeńniem nasavoj pieraharodki. Prastudy ŭ jaho ŭžo nie było. Tamu ŭ hetym uhledzieli namier na ŭchileńnie i prysudzili jamu hod «chimii».
Chłopca pakinuli pad padpiskaj ab niavyjeździe. U śniežni prajšła apielacyja ŭ Hrodzienskim abłasnym sudzie. Lidčanin i jahony advakat prasili pryznačyć jamu pakarańnie ŭ vyhladzie štrafu.
Pryzyŭnik adznačyŭ, što ŭ jaho byŭ balničny na čas pryzyvu, potym jon praciahnuŭ prachodzić abśledavańnie i lačeńnie — u tym liku miedycynskuju reabilitacyju pa kalennym sustavie, — i tamu nie moh pryjści na ahlad. A kali zmoh — pryjšoŭ i raspavioŭ pra chvarobu.
Ale sud adznačyŭ, što chłopiec źjechaŭ ź Biełarusi ŭ Rasieju — i nie paviedamiŭ pra heta vajenkamatu. I vyrašyŭ pakinuć prysud bieź źmieny, a apielacyjnyja skarhi — biez zadavalnieńnia.
Čytajcie taksama:
Uchilistu z Łuninieččyny dali hihancki štraf
Chłopca, jaki zamiest taho, kab iści ŭ armiju, padaŭsia ŭ madeli ŭ Karei, vyrašyli stroha nie karać
Minabarony papiaredziła biełarusaŭ pra «administracyjku» za niapravilna padadzieny numar telefona
Pozva pa SMS — jurysty tłumačać, što chočuć źmianić u zakonie. Jość važnyja momanty
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary