Dźvie školnicy pravalilisia pad lod. Adna ŭchapiłasia za halinku dreva i tak vyratavała siabie i siabroŭku
Trahiedyja ledź nie zdaryłasia ŭ Loźnie 3 studzienia. Dźvie dziaŭčynki 14 i 12 hadoŭ vyrašyli prahulacca pa bierazie ŭzdoŭž raki Mošna. Nie zadumvajučysia ab nastupstvach, jany stali łamać lod.
U niejki momant u adnoj z kišeni vypaŭ mabilnik i pakaciŭsia da siaredziny vadajoma. Dziaŭčynka kinułasia za im, uśled za joj i siabroŭka, paviedamlaje telehram-kanał «Milicyja Viciebščyny».
Dajšoŭšy da siaredziny raki, tonki lod nie vytrymaŭ — i siabroŭki pravalilisia. Ich tut ža paniesła ledzianym ciačeńniem.
Chałodnaja vada i panika nie davali vybracca siem chvilin z raki. Adnak starejšaja ź ich cudam uchapiłasia za halinku dreva i zmahła vyciahnuć małodšuju, a paśla vybrałasia na lod sama. Z apošnich sił dziaŭčynki zdoleli dapaŭźci da bieraha i paklikać na dapamohu.
Ciapier žyćciu dziaŭčynak ničoha nie pahražaje.
U milicyi nahadvajuć, što ŭ ledzianoj vadzie navat darosły čałaviek moža znachodzicca ŭ siarednim nie bolš za 20 chvilin, zatym hinie ad pieraachaładžeńnia. Akramia taho, namokłaje adzieńnie ciahnie ŭniz, u hłybiniu, i moža paskoryć hibiel.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1616
Kamientary
https://dck8xvlq18iei.cloudfront.net/ru/333441