Jašče adzin bank uvodzić kamisiju za zachoŭvańnie valuty na rachunku
Z 1 lutaha Alfa-Bank uvodzić kamisiju za viadzieńnie rachunkaŭ u dalarach i jeŭra. Padrabiaznaści Office Life raspaviali ŭ banku.
Kamisija budzie prymianiacca da rachunkaŭ z astatkam ad 160 tys. rubloŭ u ekvivalencie. Jana składzie 0,1% ad siaredniadzionnaha astatku i budzie minimum 500 rubloŭ, ale nie pieravysić 3000 rubloŭ.
U banku padkreślili: kali ŭ vas na rachunku suma mienšaja, kamisija śpisvacca nie budzie.
Jak patłumačyli ŭ Alfa-Banku, ciapier bankam nie patrebnyja dalary i jeŭra ŭ vialikim abjomie: z-za abmiežavańniaŭ, prablem ź mižnarodnymi SWIFT-pieravodami banki mienš majuć patrebu ŭ dadzienych valutach, tamu prymajuć takija miery.
U jakaści alternatyvy Alfa prapanuje depazity ŭ kitajskich juaniach, jakija dastupnyja dla ŭsich klijentaŭ sa staŭkaj da 3,25% hadavych. Jašče adna alternatyva — adkryć depazit u biełaruskich abo rasijskich rublach z maksimalnymi staŭkami 13,5 i 8% hadavych adpaviedna.
Kali ž pryncypova zachoŭvać dalary, heta možna zrabić biez kamisii, aformiŭšy biezadzyŭny depazit na 25 miesiacaŭ, rajać u banku.
Z 1 červienia minułaha hoda Pryjorbank ŭvioŭ płatu za absłuhoŭvańnie biahučych rachunkaŭ fizičnych asob z astatkam $50 tys. Paźniej BNB-Bank taksama ŭstanaviŭ štomiesiačnuju płatu za absłuhoŭvańnie rachunkaŭ fizičnych asob z astatkam ad $50 tys. abo €50 tys. Pieršapačatkova kamisija była fiksavanaj — 750 i 500 rubloŭ adpaviedna. Ale ŭžo da vieraśnia banki pierahledzieli padychod i zrabili jaje dyfierencyravanaj, BNB-Bank taksama źniziŭ paroh dla rachunkaŭ z kamisijaj da $40 tys. u ekvivalencie.
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary