Litoŭski sud kančatkova admoviŭ Volzie Karač u palityčnym prytułku
U sieradu Hałoŭny administracyjny sud Litvy pryniaŭ rašeńnie pakinuć u sile rašeńnie ab admovie dać prytułak biełaruskaj aktyvistcy i kiraŭnicy arhanizacyi «Naš dom» Volzie Karač, piša LRT.
Kalehija ŭ składzie troch sudździaŭ razhledzieła apielacyju Karač na rašeńnie suda ab admovie Departamienta mihracyi dać joj prytułak u Litvie.
Rašeńnie Hałoŭnaha administracyjnaha suda Litvy źjaŭlajecca kančatkovym i abskardžańniu nie padlahaje. Pradstaŭnik suda nie stała kamientavać rašeńnie, spasłaŭšysia na toje, što spravy ab davańni prytułku nie razhladajucca publična.
U žniŭni minułaha hoda Departamient mihracyi pryniaŭ rašeńnie nie davać Karač prytułak, pakolki, na dumku Departamienta dziaržaŭnaj biaśpieki, jaje pražyvańnie ŭ Litvie ŭjaŭlaje pahrozu z-za jaje suviaziaŭ z rasijskaj raźviedkaj.
Karač atrymlivała vid na žycharstva ŭ Litvie z 2014 hoda, a ŭ minułym hodzie padała prašeńnie ab pradastaŭleńni prytułku.
U 2022 hodzie Minsk pryznaŭ arhanizacyju «Naš dom» ekstremisckaj, a ŭ 2021 hodzie biełaruski KDB unios jaje ŭ śpis terarystaŭ.
«A, pacuk! Pacuk!» Jak pracuje novaje treš-šou Marharyty Laŭčuk
«Najbolšy ŭkład u nahniatańnie robiać ludzi, jakich padazrajuć u supracoŭnictvie sa śpiecsłužbami. Naprykład, Karač ci Capkała»
Volzie Karač admovili ŭ kampiensacyi maralnaj škody za niasvoječasovuju admovu ŭ prytułku
Paźniak zastupiŭsia za Karač i vykłaŭ videa «pieratrusu ŭ Kalehavaj». Taja zapratestavała
Ciapier čytajuć
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu34
Kamientary