Hramadstva2121

Departamient dziaržbiaśpieki Litvy: Pryčyny pahrozy biaśpiecy Litvy z boku Karač nie tyja, pra jakija jana havoryć

Na minułym tydni Departamient dziaržaŭnaj biaśpieki (DDB) Litvy pryznaŭ hramadzianku Biełarusi Volhu Karač, kiraŭnicu Mižnarodnaha centra hramadzianskich inicyjatyŭ «Naš dom», pahrozaj nacyjanalnaj biaśpiecy. Jak piša «Dełfi», pryčyny, ź jakich Karač, pavodle źviestak DDB, ujaŭlaje pahrozu biaśpiecy dziaržavy, nie tyja, pra jakija žančyna publična zajaŭlaje.

 Volha Karač. Skryn videa

«Pryčyny, jakija pryviali da acenki taho, što V. Karač ujaŭlaje pahrozu biaśpiecy dziaržavy — nie tyja, jakija jana zhadvaje ŭ svaich publičnych zajavach», — havorycca ŭ paviedamleńni viedamstva, nakiravanaha infarmacyjnamu ahienctvu Elta ŭ paniadziełak.

Pry hetym adznačajecca, što sapraŭdnyja pryčyny rašeńnia nie zjaŭlajucca publičnaj infarmacyjaj.

«DDB daŭ Departamientu mihracyi infarmacyju, źviazanuju z pahrozaj V. Karač biaśpiecy Litoŭskaj dziaržavy. Hetaja infarmacyja nie zjaŭlajecca publičnaj, tamu padrabiaźniej my jaje kamientavać nie budziem», — havorycca ŭ kamientary viedamstva.

Padkreślivajecca, što V. Karač była prainfarmavanaja ab pryčynach, jakija pryviali da rašeńnia nakont jaje. Adnak, zaznačaje DDB, žančyna maje prava abskardzić takoje rašeńnie ŭ sudzie. «DDB, sa svajho boku, u sudzie zmoža pakazać dovady, jakija pryviali da acenki V. Karač, jakija ciapier nie mohuć być apublikavanyja», — paviedamlaje viedamstva. 

Taksama ŭ zajavie padkreślivajecca, što Litva dałučyłasia da Jeŭrapiejskaj kanviencyi ab abaronie pravoŭ čałavieka i asnoŭnych svabod, jakaja zabaraniaje departacyju čałavieka, kali heta stvoryć ryzyku pieraśledu.

Na minułym tydni sama Volha Karač raskazała rasijskim ŚMI ab tym, što joj admovili ŭ pradastaŭleńni prytułku, a pryčynaj hetaha nibyta źjaŭlajecca jaje intervju z Uładzimiram Žyrynoŭskim , a taksama ŭdzieł u šerahu kanfierencyj u RF, jakija pravodzilisia pry ŭdziele Jeŭrakamisii.

Učora stała viadoma, što pryčynaj admovy ŭ pradastaŭleńni prytułku aktyvistcy Volzie Karač mahli stać padazreńni ŭ jaje supracoŭnictvie z rasijskaj raźviedkaj.

Volha Karač da 2020 hoda była častaj hościaj u rasijskich prakramloŭskich vydańniach, u pryvatnaści, na «Lenta.ru» i «Hazieta.ru». Ad vosieni 2020 hoda jana atakavała Śviatłanu Cichanoŭskuju. Miemam stali słovy eks-siłavika Ihara Makara, što Juryj Ziankovič «pajechaŭ u Maskvu pad harantyi biaśpieki ad Volhi Karač». U Maskvie Ziankoviča aryštavali, razam z Alaksandram Fiadutam.

Karač taksama biespaśpiachova padavała zajavy ŭ pravaachoŭnyja orhany Litvy i kamisii pa etycy na niezaležnyja ŚMI. 

Kamientary21

  • Wunderwaffe
    22.08.2023
    Ahientura. Nikohda mnie nie nraviłaś...
  • Zmicier
    22.08.2023
    u 2014 i 2015 hodzie Volha składała uražańnie čałavieka bolš prarasijskaha. Ja pamiataju jaje kamientary i pasty ŭ fejsbuku adnosna biełaruskaj movy i biełaruskamoŭnych. Siabroŭstva ź Dzijanavym i jaho siabrami, a taksama z rasiejskimi "patryjotami". U toj čas, dla mianie Volha chutčej stała pa inšy bok barykad adnosna situacyi va Ŭkrainie. Tamu, nie ździŭlajusia pryniatamu rašeńniu, ale niejak joj spačuvaju pa-čałaviečy, bo razumieju, što heta stres. 
  • Litvin
    22.08.2023
    pastupova vyhaniać niezhodnych
    spačatku mutnych źviazvnych s Maskvoj
    potym litvinau - skažuć z FSB źviazanyja
    potym zanadta samastojnych
    źmieŝanyja pačucci


Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

Izrail pačaŭ novuju chvalu ŭdaraŭ pa Iranie12

Tramp: Niezrazumieła, ci zastałasia ŭ Irana jadziernaja prahrama3

«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki6

U Minsku źjavilisia «čystamaty». Što heta takoje i jak jany pracujuć?10

«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa31

Biełaruskija ajcišniki źjazdžajuć ź Litvy? Jak źmianiajecca kolkaść biełarusaŭ u Litvie pa typach DNŽ12

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić