U rymski fantan Trevi turysty za hod nakidali 33 tony maniet
Z fantana Trevi ŭ Rymie dastali 33 tony maniet, nakidanych turystami, vartaściu ŭ 1,6 miljona jeŭra. Rekordnaja suma nabrałasia za hod i pieravysiła dachod bolšaści haradskich muziejaŭ.
U 2022 hodzie turysty nakidali ŭ fantan maniet na 1,4 młn jeŭra. Supracoŭniki enierhakampanii Acea źbirajuć ich nie mienš za try razy na tydzień, a časam i kožny dzień.
Z fantana dastajuć nie tolki jeŭra, ale i dalary, funty dy hrošy inšych dziaržaŭ. Zamiežnyja valuty adździalajuć i zatym mianiajuć pa biahučym kursie. Usie srodki nakiroŭvajuć na dabračynnaść.
U 2022 hodzie nakidanyja turystami hrošy pieradali na dapamohu ludziam, jakija adčuvajuć finansavyja ciažkaści i pakutujuć ad chvaroby Alchiejmiera. Padapiečnyja fondaŭ zmahli atrymać biaspłatnyja pradukty i abiedy.
Kamientary