Adzin deputat išoŭ na pieravybary — a ŭ vyniku nie danios papiery da vybarčaj kamisii
A što jašče rabić, kali tvaju kandydaturu nie ŭzhadnili?
39-hadovy Ihar Zavalej — deputat Pałaty pradstaŭnikoŭ pa Homielskaj sielskaj akruzie №37. Jon płanavaŭ praciahnuć paŭnamoctvy, ale vyhladaje, što niešta pajšło nie tak.
Zavalej navat źbiraŭ podpisy ŭ svaju padtrymku, dyj jak člen Kamunistyčnaj partyi moh vyłučycca pa partyjnych śpisach. Ale ŭ finalnym śpisie asobaŭ, jakija zdali papiery na rehistracyju, na sajcie Centryvybarkama Zavaleja niama.
Ci moža iści havorka pra techničnuju pamyłku? Naŭrad ci. U ahulnaj spravazdačy Centrvybarkama adznačana, što pa Homielščynie bałatujecca 50 kandydataŭ — i ich biez Zavaleja roŭna 50. Havorycca, što pa Homielščynie pieraabirajucca try deputaty — i ich biez Zavaleja jakraz try.
Najchutčej, kamunist nie byŭ uzhodnieny jak praŭładny kandydat. A sproba samastojnaj hulni ŭ łukašenkaŭskaj sistemie chutka absiakajecca.
Z astatnich kandydataŭ pa akruzie bolš pradstaŭničym vyhladaje Alaksandr Martynaŭ, namieśnik pa ahulnych pytańniach dyrektara Dobrušskaj papiarovaj fabryki. Ale jon navat nie źbiraŭsia podpisy ŭ svaju padtrymku, miechanična staŭ kandydatam ad «Biełaj Rusi».
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary