«Fih vam, a nie jajki! Viarnicie pieŭniaŭ z frontu!» Kiraŭnika ŭźbiekskaha ziamlactva ŭ Rasii pieraśledujuć za heta vykazvańnie
Na kiraŭnika adnaho z uźbiekskich ziamlactvaŭ u Rasii pad nazvaj «Vatandoš» Usmana Baratava zaviali kryminalnuju spravu i zatrymali. Pryčynaj staŭ jahony post u sacsietkach miesiačnaj daŭniny, jaki kvalifikavali jak abraźlivy ŭ dačynieńni da ŭdzielnikaŭ «śpiecyjalnaj vajennaj apieracyi», jak rasijskija ŭłady i prapahandysty ŭžo amal dva hady nazyvajuć vajnu va Ukrainie.
17 śniežnia na staroncy Usmana Baratava ŭ sacsietcy «Adnakłaśniki» źjaviŭsia post z cytatami prezidenta Rasii Uładzimira Pucina i staršyni Dziarždumy Viačasłava Vałodzina ab cenach na jajki. Post supravadžaŭsia karcinkaj, na jakoj kuryca «havoryć»: «Fih vam z masłam, a nie jajki! Viarnicie pieŭniaŭ z frontu!»
Paźniej post źnik, a Barataŭ apublikavaŭ na svajoj staroncy ŭ instahramie storys sa słovami: «Nas uzłamali». Padrabiaznaściaŭ jon nie pryvioŭ.
Na post pra pieŭniaŭ źviarnuli ŭvahu rasijskija vajskovyja błohiery, paśla čaho staršynia rasijskaha Śledčaha kamiteta Alaksandr Bastrykin daručyŭ zavieści kryminalnuju spravu «pa fakcie abrazy ŭdzielnikaŭ SVA».
Ciapier jana zaviedziena pa artykule 282 KK RF («Uzbudžeńnie nianaviści albo varožaści, a taksama prynižeńnie čałaviečaj hodnaści»). Baratava dastavili ŭ padraździaleńnie maskoŭskaha Śledčaha kamiteta dla praviadzieńnia śledčych dziejańniaŭ.
Sam Barataŭ apošnim časam sprabavaŭ apraŭdacca, zajaŭlajučy, naprykład, što «kurycy i pieŭni źjaŭlajucca karysnaj i vielmi dobraj chatniaj ptuškaj, jakaja nie maje nijakaha dačynieńnia da SVA», a franty «byvajuć roznyja, naprykład, pracoŭnyja». Taksama jon narakaŭ, što satyryčny post ceły miesiac nie prybiraŭ z sacsietki jahony pamočnik. Ale heta jamu nie nadta dapamahło.
Bolš taho, Baratavu taksama prypomnili kolišniaje intervju, u jakim jon aburyŭsia, što viadučaja prahramy «Zdaroŭje» Alena Małyšava «zabyłasia» słova «rasijski», vykarystoŭvajučy zamiest jaho prymietnik «ruski».
«I navat rasijskija pašparty taksama ź fiederalnych kanałaŭ pačali nazyvać ruskimi. Nu, heta łuchta! Niama ruskaha pašparta, jość rasijski pašpart», — skazaŭ Barataŭ. Jon dadaŭ, što jaho, «jak hramadzianina Rasii», heta kranaje, pakolki jon nie ruski, a uźbiek.
Heta vyklikała skandał i prystup dziaržaŭnaj ksienafobii. U pryvatnaści, vice-śpikier Dziarždumy Piotr Tałstoj, kamientujučy vykazvańni Baratava, nazvaŭ nacyjanalnyja dyjaspary ŭ Rasii «lehalizavanymi mafijoznymi strukturami» i zaklikaŭ «zakančvać ź mižnacyjanalnym libieralizmam».
«Prapahanda havoryć: «My — ruskija». A my nie ruskija». Baškirskija aktyvisty zaklikali da pratestaŭ i ŭ inšych nacyjanalnych respublikach
Prapahandyst Prydybajła prydumaŭ fejk, kab dyskredytavać «Doždž». Jon pradstaviŭsia žycharom Lipiecka, jaki zamiarzaje biez aciapleńnia
U čym sapraŭdnaja pryčyna maštabnaha pratestu ŭ Baškartastanie
Kamientary