Za videa z vajskovaj technikaj inžynieru z Bresta dali dva z pałovaj hady kałonii
Alaksandra Bojku abvinavacili pavodle č. 1 art. 361-4 Kryminalnaha kodeksa (sadziejničańnie ekstremisckaj dziejnaści) za adpraŭku ŭ adzin z telehram-čataŭ videa z vajskovaj technikaj.
Mužčynu zatrymali 24 kastryčnika 2023 hoda, paśla čaho na praŭładnych telehram-kanałach źjaviłasia videa ź im, dzie paviedamlałasia, što Alaksandra zatrymali za adpraŭku ŭ čat videa z vajskovaj technikaj, piša «Viasna».
«Na toj momant byŭ spałochany, tamu vykłaŭ videa na emocyjach. U hetym čacie byŭ naratyŭ, što voś-voś pačnucca vajennyja dziejańni pamiž Biełaruśsiu i Ukrainaj», — kaža inžynier.
U roliku pakazali skrynšoty z čata. U tłumačeńni da videa z vajskovaj technikaj havorycca, što jana ruchajecca pa trasie M1 u bok Bresta. Kali heta było źniata, nieviadoma.
Prysud 18 studzienia vynies Dźmitryj Karasinski, dziaržaŭnaje abvinavačvańnie padtrymlivaŭ Hienadź Bury. U Alaksandra troje dziaciej.
Padtrymajcie viaźnia listami, banderolkami i hrašovymi pieravodami:
SIZA-7, 224030, Brest, Savieckich pamiežnikaŭ, 37, Alaksandr Mikałajevič Bojka
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary