U tyktoku zachaplajucca minčukom, jaki jedzie ŭ mietro z trusikam. Ale nie ŭsio tak adnaznačna
Karacieńkaje videa ź minskaha mietro nabrała za sutki bolš za čatyry miljony prahladaŭ. Hieroi hetaha rolika ŭ tyktoku — adzin z pasažyraŭ i jaho maleńki siabar.
Na videa my bačym mužčynu stałaha vieku, apranutaha nieachajna — vyhladaje, što jon nie maje stałaha miesca žycharstva. Jon siadzić u vahonie mietro, a la jaho staić šeraja skrynia, upryhožanaja pacierkami.
U rukach jon trymaje rudoha trusika, jakoha staranna rasčesvaje. Vyhladaje, što žyvioła vielmi važnaja dla mužčyny — jon łaščyć trusika i navat, zdajecca, razmaŭlaje ź im.
Hety rolik na siońnia maje bolš za 4,1 miljona prahladaŭ, a pad im nabrałosia bolš za piać tysiač kamientaroŭ na roznych movach. Bolšaść ź ich — pra zachapleńnie adnosinami trusika i jaho haspadara:
«Biednyja ludzi majuć najvialikšaje serca».
«Nie viedaju čamu, ale tak mužčynu škada».
«Takuju miłuju skrynačku zrabiŭ dla jaho, u mianie ažno serca razryvajecca».
«Bačna, što choča dla jaho najlepšaha, navat pieranosku zrabiŭ i ŭpryhožyŭ».
«Ja ciapier płaču, u mianie 23 studzienia pamior trusik, jon byŭ taki samy».
Ale nie ŭsie kamientatary zamiłavanyja tym, što pabačyli ŭ roliku:
«Hety trusik trochi vyhladaje tak, byccam choča źbiehčy».
«Ja dumała, u jaho nož u rukach».
«Biedny trusik, jon baicca».
Siarod kamientataraŭ znajšlisia i tyja, chto sami bačyli hetaha mužčynu ŭ mietro. Čaściej za ŭsio zhadvali stancyju «Kamiennaja Horka» — maŭlaŭ, mienavita tam mužčyna źbiraje miłaścinu.
Niekatoryja dzielacca mierkavańniem, što kožny raz, kali jany bačać mužčynu, u jaho ŭ rukach roznyja trusiki — maŭlaŭ, miesiac tamu jaho bačyli z čorna-biełym źviarkom, a niekali i z pacukami.
Vyhladaje, što žyvioły ŭ mužčyny nasamreč roznyja, ale heta tamu što jon nie moža stvaryć dla ich naležnyja ŭmovy — jon pravodzić šmat času na leśvicy ŭ padziemnym pierachodzie, a heta nie najlepšaje miesca dla chatniaj žyvioły.
Ź inšaha boku, pišuć, što mužčyna nie kormić žyvioł i kuryć la ich, i mienš za hod u jaho zahinuli try pacuki, myška, dvoje kacianiataŭ, sabaka i try trusiki.
«Naša Niva» — bastyjon biełaruščyny
PADTRYMAĆČytajcie taksama:
Kontradejtynh: novy padychod da spatkańniaŭ, jaki dapamoža pierazahruzić asabistaje žyćcio
Tom Chołander vypadkova «atrymaŭ» hrošy Toma Chołanda. I pierastaŭ być zadavoleny saboj
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary