Treci siezon šou «Faktar.by» vyjhraŭ nieviduščy śpiavak Daniił Savienia
U finalnym vypusku jon vykanaŭ, siarod inšych, pieśniu Šamana «Žyvy», a paśla pieramohi — «Sivuju noč» Jury Šatunova. Daniił byŭ u kamandzie Siarohi.
Pryzam pieramožcu staŭ novieńki aŭtamabil. Supierfinał treciaha siezona prajekta pakazali ŭ efiry «Biełaruś 1» viečaram 26 studzienia, piša «Kamsamołka».
Pra 19-hadovaha Daniiła Savieniu ŭ Biełarusi ŭžo čuli. Bo mienavita jon atrymaŭ Hran-pry konkursu maładych vykanaŭcaŭ na Nacyjanalnym fiestyvali pieśni i paezii «Maładziečna-2023». Uradženiec Słucka, Daniił 9 hadoŭ vučyŭsia ŭ Maładziečnie — u miascovaj śpiecyjalnaj ahulnaadukacyjnaj škole-internacie dla dziaciej z parušeńniami zroku.
Savienia — navučeniec Minskaha dziaržaŭnaha kaledža mastactvaŭ. U intervju junak raspaviadaŭ, što svoj dalejšy šlach chacieŭ by źviazać z hukarežysuraj i muzyčnym pradziusavańniem.
Chłopiec taksama śpiavaŭ «Moj rodny kut» na muzyku Ihara Łučanka i tekst Jakuba Kołasa, «Potieriannyj raj» hurta «Aryja», «Kak mołody my byli», jakuju śpiavaŭ Alaksandr Hradski, i navat pieśniu «Źvienit janvarskaja vjuha».
A bijahrafija Daniiła Savieni, jaho ŭzychodžańnie na surjoznuju scenu, pačałasia, kali jamu było 7 hadoŭ. Mienavita tady chłopčyk pačaŭ udzielničać u konkursach — biełaruskich i mižnarodnych. U 10 hadoŭ jon praśpiavaŭ himny Biełarusi, Łatvii i Finlandyi na «Minsk-Arenie». Jaho zdolnaści acaniła rasijskaja śpiavačka Dyjana Hurckaja.
Paśla abviaščeńnia vynikaŭ treciaha siezona «Faktar.by» Daniił Savienia źviarnuŭsia da prysutnaha ŭ zale baćki:
— Ci pamiataješ, my maryli, što ŭ nas budzie novy aŭtamabil? Na hetaj mašynie my pajedziem u vialikaje padarožža pad nazvaj žyćcio. Niachaj usio, što adbyłosia siońnia, zastaniecca ŭ pamiaci nazaŭsiody.
Kankurentami Daniiła pa supierfinale treciaha siezona «Faktar.by» byli Marharyta Šybajeva z kamandy Rusłana Alachno i Alaksiej Budźko, padapiečny Volhi Buzavaj.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary