Minsk uvajšoŭ u trojku samych kryminalizavanych haradoŭ Uschodniaj Jeŭropy
Analityčny servis Numbeo skłaŭ rejtynh najbolš kryminalizavanych haradoŭ Uschodniaj Jeŭropy. Vyniki akazalisia davoli niečakanymi.
Usiaho ŭ rejtynh uvajšli 30 haradoŭ, a ŭznačalili jaho dva ŭkrainskija nasielenyja punkty — Dniapro i Adesa, a śledam za imi, na trecim miescy, idzie naš Minsk.
Bolš biełaruskich haradoŭ u hetym rejtynhu niama, a z ukrainskich prysutničajuć jašče try — Charkaŭ (5-je miesca), Kijeŭ (8-je) i Lvoŭ (13-je).
Z rasijskich haradoŭ u jaho ŭvajšli hieahrafična azijacki Navasibirsk (7-je miesca), Sankt-Pieciarburh (12-je), Maskva (14-je) i Nižni Noŭharad (22-je).
Z polskich haradoŭ najbolšyja prablemy ŭ Łodzi (11-je miesca), paśla iduć Hdańsk (17-je), Poznań (19-je), Urocłaŭ (22-je), Krakaŭ (24-je) i Varšava (26-je).
Harady krain Bałtyi ŭ 30-ku pa viersii Numbeo nie patrapili, a stalica Małdovy Kišynioŭ zajmaje 9-je miesca.
Praŭda, nie varta da hetaha rejtynhu stavicca nadta surjozna, uličvajučy davoli sumnieŭnuju mietadałohiju jaho składańnia. Baza danych Numbeo źbiraje danyja dla niekalkich rejtynhaŭ haradoŭ pa nastupnych pakazčykach: indeks koštu žyćcia, ceny na nieruchomaść, biaśpieka, achova zdaroŭja, darožny ruch, uzrovień zabrudžvańnia i h.d. Pry zbory danych za asnovu prymajucca acenki karystalnikaŭ płatformy.
U vypadku z rejtynham kryminalnych haradoŭ u karystalnikaŭ prosiać adkazać na pytańnie ab uzroŭni złačynnaści i biaśpieki ŭ ich haradach. Na asnovie hetych adkazaŭ i farmirujecca rejtynh, to-bok jon vielmi subjektyŭny.
Dastatkova skazać, što pa vynikach minułaha hoda Minsk uvohule zajmaŭ 1-je miesca.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary