Šviecyja spyniła rasśledavańnie pa spravie ab vybuchach na «Paŭnočnych patokach»
Prakuratura Šviecyi aficyjna paviedamiła, što spyniaje rasśledavańnie pa spravie ab vybuchach na «Paŭnočnych patokach». U pres-relizie viedamstva havorycca, što sprava znachodzicca pa-za jurysdykcyjaj Šviecyi. Papiaredniaje rasśledavańnie nie vyjaviła prykmiet taho, što da vybuchaŭ u mižnarodnych vodach mahli być datyčnyja ŭłady abo hramadzianie krainy.
Rasśledavańnie praciahvaje Hiermanija, ź jakoj ułady Šviecyi abmieńvalisia infarmacyjaj, havorycca ŭ paviedamleńni prakuratury. Taksama šviedski bok padčas rasśledavańnia supracoŭničaŭ z uładami Danii.
Vybuchi na «Paŭnočnych patokach» adbylisia na ŭčastku ŭ Bałtyjskim mory ŭ vieraśni 2022 hoda. Pa danych The Washington Post, dyviersiju kaardynavaŭ ukrainski pałkoŭnik Raman Čarvinski.
Sam vajskoviec, jaki ŭtrymlivajecca ŭ kijeŭskim SIZA pavodle abvinavačvańnia ŭ pieravyšeńni słužbovych paŭnamoctvaŭ, admaŭlaje svajo dačynieńnie da vybuchaŭ.
Hazapravody «Paŭnočny patok — 1» i «Paŭnočny patok — 2» kaštavali 17 młrd jeŭra. «Hazpram» zajaŭlaŭ, što technična mahčyma adramantavać razarvanyja trubapravody. Adnak płanaŭ ramontu i pierazapusku ŭ realnaści niama: Maskva nie bačyć pierśpiektyŭ palapšeńnia stasunkaŭ z Zachadam, kab truby znoŭ spatrebilisia dla prapampoŭki hazu.
Ciapier čytajuć
U Varšavu pryjechała sotnia biełaruskich palitviaźniaŭ11
Kamientary