Kabajeva ŭsio? Uładzimir Pucin znajšoŭ novaje kachańnie — historyka z łondanskaj adukacyjaj
Brytanskija ŚMI śćviardžajuć, što Kaciaryna Mizulina źjaŭlajecca novaj kachankaj prezidenta Rasii Uładzimira Pucina.
39-hadovaja Kaciaryna Mizulina — kiraŭnica rasijskaj Lihi biaśpiečnaha internetu i dačka fanatyčnaj prapucinskaj i antyŭkrainskaj sienatarki Aleny Mizulinaj, viadomaj siarod inšaha roznymi rezanansnymi inicyjatyvami. Siarod jakich baraćba z «hiej-prapahandaj», maciukami u internecie, razvodami i ŭsynaŭleńniem zamiežnikami rasijskich sirat.
Kaciaryna Mizulina zakončyła Škołu ŭschodnich i afrykanskich daśledavańniaŭ Łondanskaha ŭniviersiteta ŭ 2004 hodzie i maje stupień pa historyi mastactvaŭ i indaniezijskaj movie. U 2010 hodzie Mizulina taksama zakončyła Instytut krain Azii i Afryki Maskoŭskaha dziaržaŭnaha ŭniviersiteta. Jak pierakładčyk žančyna pracavała ŭ aficyjnych rasijskich delehacyj u Kitai.
Choć daŭniaj partniorkaj Pucina ličycca alimpijskaja čempijonka pa mastackaj himnastycy Alina Kabajeva, čutki ab novych adnosinach ź Mizulinaj cyrkulujuć u sacyjalnych sietkach Rasii i Ukrainy.
Jak piša The Mirror, rasijskaja pravaabaronca Volha Ramanava paraŭnała Mizulinu z byłoj kachankaj Pucina Śviatłanaj Kryvanohich, uładalnicaj stryptyz-kłuba z Sankt-Pieciarburha. Ramanava śćviardžaje, što Mizulina adnosicca da taho typu žančyn, jakija zaŭsiody padabalisia Pucinu.
«[Pucinu] 71 hod, davajcie biez ejdžyzmu. Mužčyna ŭ poŭnym roskvicie sił, čamu b i nie? I, ułasna, Kacia Mizulina, urešcie rešt, joj 39… Davajcie taksama nie budziem zabyvacca, što jana za tradycyjnyja kaštoŭnaści. Hetaksama, jak Alina Kabajeva», — cytuje vydańnie słovy Volhi Ramanavaj.
Kaciarynu Mizulinu ličać veb-cenzaram, jaki imkniecca zadušyć krytyku Pucina, asabliva ŭ dačynieńni da kanfliktu va Ukrainie. Adnojčy jana skazała: «Spačatku my ačyścim Ukrainu ad nacystaŭ i bandytaŭ, a potym zojmiemsia Google i Vikipiedyjaj».
Admietny incydent, jaki padkreślivaje prychilnaść Mizulinaj da cenzury, adbyŭsia padčas niadaŭniaj sustrečy sa studentami ŭ Jekaciarynburhu 6 lutaha 2024 hoda. Pad pahrozaj zaviadzieńnia kryminalnaj spravy ab dyskredytacyi vojska jana prymusiła studenta, jaki pastaviŭ pad sumnieŭ nieabchodnaść terminovaj słužby ŭ vojsku, publična prasić prabačeńnia.
Čytajcie jašče:
«Kabajeva nie paciahnuła, na žal». Rasijskija šavinisty rychtujucca źniščyć tych, chto ich sparadziŭ
U Minsk pryjechała Alina Kabajeva, jaje sustrakaŭ ministr
Rasśledavalniki raskazali, dzie žyvuć Pucin z Kabajevaj i jak vyhladaje ich žytło
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Tiažieła ona, bab́ja dola!
Pomotro i bro, užos nach! (hłumlivo uchmylajeco)