Siońnia pravaabarončaja supolnaść Biełarusi pryniała zajavu, u jakoj pryznała palityčnymi źniavolenymi šeść čałaviek.
Palitviaźniami pryznali zatrymanych u pačatku studzienia muzykantaŭ hurta Nizkiz Alaksandra Iljina, Dźmitryja Chalaŭkina, Siarhieja Kulšu, a taksama žurnalistku i chryścijanskuju aktyvistku Aksanu Jučkavič, Uljanu Jakovič dy Arcioma Zakržeŭskaha.
Chto hetyja ludzi i čamu pravaabaroncy ličać ich spravy palityčna matyvavanymi.
Pa stanie na 19 lutaha u Biełarusi 1423 palitviaźni.
Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary