Brazilija, Hiermanija, Indyja i Japonija zapatrabavali pastajannyja miescy ŭ Radzie Biaśpieki AAN
Brazilija, Hiermanija, Indyja i Japonija zaklikali jak maha chutčej refarmavać Radu Biaśpieki AAN. Jany prapanujuć pavialičyć kolkaść jak pastajannych, tak i niepastajannych členaŭ arhanizacyi, u tym liku dać pastajannyja miescy samim čatyrom krainam, piša The Moscow Times.
U sumiesnaj zajavie ministry zamiežnych spraŭ «Hrupy čatyroch» adznačyli, što ciapierašni skład Rady Biaśpieki nie adpaviadaje sučasnym hieapalityčnym realijam. Na ich dumku, heta stavić pad sumnieŭ pradstaŭničaść, lehitymnaść, aŭtarytet i efiektyŭnaść orhana. U takim vyhladzie Rada, jak jany ličać, nie moža całkam vykonvać svaju hałoŭnuju zadaču — padtrymlivać mižnarodny mir i biaśpieku.
Pradstaŭniki G4 padkreślili nieabchodnaść nieadkładnaha praviadzieńnia reformy. Jaje centralnym elemientam jany nazvali pašyreńnie Rady Biaśpieki za košt jak pastajannych, tak i niepastajannych členaŭ.
Brazilija, Hiermanija, Indyja i Japonija ŭvachodziać u kaalicyju G4. Hiermanija i Japonija ŭžo niekalki hadoŭ damahajucca atrymańnia pastajannych miescaŭ u Radzie Biaśpieki, adnak dziaržavy — členy AAN pakul nie dasiahnuli zhody pa hetym pytańni. Rasija padtrymlivała ideju pašyreńnia składu Rady tolki pry ŭmovie dasiahnieńnia šyrokaha kansensusu.
Rada Biaśpieki źjaŭlajecca adnym ź piaci hałoŭnych orhanaŭ AAN. U ciapierašni čas jaje pastajannymi členami z pravam vieta źjaŭlajucca Rasija, Vialikabrytanija, Kitaj, ZŠA i Francyja. Jašče dziesiać krain abirajucca Hienieralnaj asamblejaj na dvuchhadovy termin u jakaści niepastajannych členaŭ.
U vieraśni 2024 hoda alternatyŭnaja kaalicyja «Abjadnoŭvajučysia dziela kansensusu» prapanavała nie pavialičvać kolkaść pastajannych členaŭ Rady Biaśpieki. Zamiest hetaha jana vystupiła za pavieličeńnie kolkaści niepastajannych členaŭ z 10 da 20 i stvareńnie katehoryi doŭhaterminovych členaŭ z mahčymaściu nieadkładnaha pieraabrańnia. U miežach toj ža dyskusii razhladalisia prapanovy ab skasavańni prava vieta abo abmiežavańni jaho vykarystańnia ŭ situacyjach, źviazanych z pahrozami miru, parušeńniami miru i aktami ahresii.
Tramp zajaviŭ, što ZŠA, mahčyma, zaklučać mirnaje pahadnieńnie ź Iranam
Erdahan zaklikaŭ pazbavić pastajannych členaŭ Rady Biaśpieki AAN prava vieta. I ŭvohule skasavać pastajannaje členstva
Stała viadoma, z čyim partretam na papcy Śviatłana Cichanoŭskaja budzie na Hienasamblei AAN
Zialenski prylacieŭ na Hienasambleju AAN u Ńju-Jork
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary