U Ispanii zabili piłota, jaki pierahnaŭ va Ukrainu rasijski viertalot
U Maksima Kuźminava nibyta strelili 12 razoŭ, a paśla pierajechali na mašynie.
Pa papiarednich źviestkach, Maksima Kuźminava rasstralali — u ciele jahonym akazałasia nie mienš za piać kul. Jaho znajšli na padziemnaj parkoŭcy ŭ municypalitecie Viljachajosa.
Spačatku valensijskaje vydańnie ABC paviedamiła pra śmierć 33-hadovaha ŭkrainca, nie nazyvajučy jaho imia.
Praź niekalki dzion sajt Il-corrispondente napisaŭ, što havorka viadziecca mienavita pra Maksima Kuźminava. Nijakich dokazaŭ niama, žurnalisty napisali artykuł z farmuloŭkami «zdradniki žyvuć niadoŭha». Admietna, što samo heta ŚMI italjanskaje.
Kuźminavu 28 hadoŭ, ale jamu mahli vydać i dakumienty ź inšym hodam naradžeńnia.
Rasijski błohier Fighterbomber adznačyŭ, što heta ŭžo treciaje zabojstva Kuźminava za apošni čas. Jon dapuskaje, što historyja moža być apieracyjaj pa prykryćci.
Adnak nieŭzabavie pradstaŭnik Hałoŭnaha ŭpraŭleńnia raźviedki Ukrainy Andrej Jusaŭ u kamientary «RBK Ukraina» paćvierdziŭ infarmacyju pra hibiel Kuźminava: «Možam paćvierdzić fakt śmierci».
Pierahon rasijskaha viertalota Mi-8 va Ukrainu adbyŭsia ŭ žniŭni minułaha hoda. Paźniej jaho paćvierdziła vajskovaja vyviedka Ukrainy. Kiraŭnik Hałoŭnaha ŭpraŭleńnia raźviedki Kiryła Budanaŭ kazaŭ, što dvoje členaŭ ekipaža, jakija byli nie ŭ kursie taho, što adbyvajecca, byli zabityja pry sprobie źbiehčy.
Minabarony Rasii paviedamiła ab źniknieńni bieź viestak ekipaža Mi-8. RT sa spasyłkaj na SK paviedamlała, što FSB zaviało kryminalnuju spravu suprać lotčyka Kuźminava.
Paśla taho prachodziła infarmacyja, što rasijskija śpiecsłužby nibyta atrymali zahad ab likvidacyi Kuźminava. A abvinavačańni ŭ zdradzie z boku rasijskich aficyjnych asobaŭ ličycca vielmi niebiaśpiečnym. Zdradnikami Uładzimir Pucin, u pryvatnaści, nazyvaŭ byłoha aficera HRU Siarhieja Skrypala, jaki byŭ razam z dačkoj atručany «navičkom» u Vialikabrytanii. Takuju ž charaktarystyku atrymaŭ zasnavalnik PVK «Vahnier» Jaŭhien Pryhožyn, jaki zahinuŭ u zahadkavaj avijakatastrofie praz dva miesiacy paśla ŭčynienaha im buntu.
HRU atrymała zahad na likvidacyju rasijskaha lotčyka, jaki pierahnaŭ viertalot va Ukrainu — «Rasija 1»
Rasijski piłot, jaki pierahnaŭ va Ukrainu viertalot Mi-8, atrymaje paŭmiljona dalaraŭ
«U nas lotčyki lotajuć biez zbroi». Rasijski piłot raspavioŭ, jak pierahaniaŭ va Ukrainu Mi-8 i ŭhavorvaŭ ekipaž zdacca
Ciapier čytajuć
Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB10
Kamientary
V boju dva avtomatika nazad, \
Dohnali ich dvie maleńkije puli.. \