Na 27 lutaha byŭ pryznačany aŭkcyjon pa prodažy trochpakajovaj kvatery ŭ Minsku, jakaja naležyć siamji Capkałaŭ — eks-pretendenta na vybarach-2020. Adnak tarhi nie adbuducca — niama ŭdzielnikaŭ.
Na tarhi pa kupli trochpakajovaj kvatery ŭ Minsku možna było zarehistravacca da 16.00 26 lutaha. Sam aŭkcyjon pavinien byŭ prajści siońnia. Adnak na sajcie elektronnaha aŭkcyjonu źjaviłasia abjava, što kvateru pradavać nie buduć. Pryčyna — adsutnaść udzielnikaŭ, jakija žadajuć nabyć nieruchomaść.
12 lutaha «Bielurzabieśpiačeńnie» vystaviła na tarhi trochpakajovuju kvateru, raźmieščanuju ŭ domie № 5 na vulicy Čarnyšeŭskaha. Ahulnaja płošča žylla — 103,7 m2. Razam z žyllom chacieli pradać miesca ŭ padziemnym haražy. U kvatery zarehistravany adzin čałaviek. Paviedamlajecca, što daŭžnik — Valeryj Capkała. Pačatkovy košt majomaści — 358 442 rubli 20 kapiejek.
Žonka Valeryja Capkała, Vieranika, adznačała raniej, što nieruchomaść naležyć nie tolki jaje mužu, ale taksama joj i niepaŭnaletnim dzieciam muža i žonki. Na jaje dumku, rašeńniem vystavić na tarhi nieruchomaść parušajecca ŭ tym liku Kanstytucyja. Žančyna zaklikała Śledčy kamitet i prakuraturu pravieści rasśledavańnie z pryčyny prodažy nieruchomaści.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary