«Adčajna zmahaŭsia kipciurami za žyćcio». U Vilni kaciania try dni praviało ŭ reanimacyi paśla taho, jak 20 chvilin było ŭ pralnaj mašynie
Haspadynia nie zaŭvažyła, jak Tomas zabraŭsia tudy i ŭklučyła mašynu.
U Vilni kaciania Tomas, jakomu niama i hoda, pravioŭ u pralnaj mašynie 20 chvilin. Paśla hetaha žyvioła try dni znachodziłasia ŭ reanimacyi, piša Delfi.lt.
Haspadynia nie zaŭvažyła, što kaciania zabrałasia ŭ prałku, jaho tam znajšli tolki praz 20 chvilin. «Ja pajšoŭ u vannuju, kab vymyć ruki. Ja pačuŭ «miaŭ-miaŭ», ja navat nie padumaŭ, što kot moža być u prałcy. Dumaŭ, taki huk ad bializny. Potym hetyja huki mianie napałochali», — raspavioŭ haspadar kata Jaŭhien Siankievič.
Tut jon ubačyŭ za škłom u prałcy kata: «Jon vyhladaŭ žudasna, vočy źbialeli, napeŭna, jon užo byŭ u inšym śviecie. Ja nie viedaju, jak jon pryjšoŭ u siabie, mabyć, jon u nas kasmanaŭt. 20 chvilin ciarpieŭ pakuty».
Kali kata dastali z prałki, jon byŭ u ciažkim stanie, haspadary pavieźli jaho ŭ kliniku.
«Nijakaj nadziei nie było. Usio zaležała ad kata, ci zachoča jon žyć z takimi haspadarami, jak my», — skazaŭ haspadar kata.
«Kot znachodziŭsia ŭ šokavym stanie, u jaho byŭ nizki cisk, mocna paniziłasia tempieratura cieła», — skazała doktarka Iryna Hieraskina. Tempieratura cielca była na 6 hradusaŭ nižej zvyčajnaj — 33 hradusy. Parašok raźjeŭ rahavicu. Na ščaście, vada nie trapiła ŭ orhany dychańnia.
«Mabyć, katu ŭdałosia paźbiehnuć trapleńnia vady, pa kipciurach vidać, što jon zmahaŭsia za žyćcio. Jon nahłytaŭsia vady», — raspaviała vieterynar.
Daktary zrabili ŭsio mahčymaje, i kot adpraviŭsia dadomu.
«Ja palubiŭ hetaha kata, jak dzicia, jon mnie — jak syn. Heta simvał žyćcia. Jon byŭ mnie blizki, tamu vielmi baluča, što takoje zdaryłasia», — skazaŭ Siankievič.
«Kaciania małoje, chulihanić», — zaŭvažyła Hieraskina.
Rabotniki kliniki raspaviali, što im kožny hod pryvoziać katoŭ, jakija pabyvali ŭ pralnaj mašynie. Byvajuć i tyja, chto trapiŭ u sušyłku. Na žal, nie va ŭsich vypadkach žyvioł udavałasia vyratavać.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy35
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary