Ź Minska ŭ kancy maja zapuskajuć rejs na «rajski kurort» Kitaja
Lotać na Chajnań buduć dva razy na tydzień.
Start avijarejsa, jaki złučyć Minsk i Chajnań, namiečany na 25 maja, pra heta siońnia paviedamili ŭ Minsku na vialikaj prezientacyi kurortnaha kitajskaha vostrava, paviedamlaje Respublikanski sajuz turystyčnych arhanizacyj.
Rejs pa maršrucie Sańja — Minsk — Sańja budzie vykonvać adna z kitajskich avijakampanij — Beijing Capital Airlines — dva razy na tydzień, pa aŭtorkach i subotach, bort Airbus A330-300. Jak paviedamili na prezientacyi, avijakampanija ŭžo atrymała dazvoły na ekspłuatacyju maršrutu ad upraŭleńniaŭ hramadzianskaj avijacyi Kitaja i Biełarusi. Astatnija techničnyja pytańni znachodziacca ŭ stadyi rašeńnia.
Chajnań znachodzicca na šyracie Havajskich vyspaŭ. Sańja, kudy budzie prylatać samalot ź Biełarusi — hałoŭny turystyčny centr Chajnania. Tut turystaŭ čakaje vydatna raźvitaja turystyčnaja infrastruktura, važna adznačyć, što miascovyja hateli prapanujuć vysoki servis. Ekśpierty taksama adznačajuć vydatnuju ekałohiju hetych miescaŭ. Dadamo, što trapičny klimat dazvalaje adpačyvać tut kruhły hod. Tak siońnia ŭ Sańji +31, unačy čakajecca +24.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary