Na pieršym paviersie HUMa adkryłasia kaviarnia ź vidam na horad i pirožnymi pa 3,5 rubla
Ciapier na pieršym paviersie ŭniviermaha možna vypić kavy z desiertam, a bonusam atrymać pryhožy vid. U mieniu — pirahi, desierty i sałaty, piša Onliner.by.
Mnohija viedajuć, što na druhim paviersie HUMa jość kafeteryj ź niedarahimi desiertami. Hałoŭnaja fiška — vafli z načynkami pa receptach XIX stahodździa. Ciapier kaviarnia z dobrym vidam adkryłasia i na pieršym paviersie. Na hałoŭnym uvachodzie paviarnicie naprava (aryjentavacca možna na častku zały, dzie ciapier pradajuć pradukty).
U razhar pracoŭnaha dnia stoliki byli svabodnyja, a voś pa viečarach tut byvaje poŭnaja zahruzka. Padobna na toje, minčukam ideja spadabałasia. U kamientarach da dopisu ab adkryćci ŭ instahramie naviedvalniki asabliva vyłučajuć interjer.
Z asabliva cikavaha — tvarožnik za 4 rubli. Amataram šakaładu pryhatavacca: šakabomba čakaje łasunoŭ, jakija hatovyja zapłacić za desiert 6 rubloŭ. Stolki ž kaštujuć i eklery sa smakam kakosa, viarškoŭ i karamieli.
Jašče adna fiška — pirahi. Kažuć, heta firmovaja vypiečka ź piakarni HUMa. Načyńnie prapanujuć takija: višnia, tvaroh, syr, kuryca, špinat. Nižej možna hlanuć canu za 1 kh, ale biez prablem adrežuć kavałačak žadanaha pamieru.
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin14
Kamientary