Palitviazień Dzianis Ivašyn upieršyniu za paŭtara hoda pabačyŭsia z maci
Hrodzienski žurnalist, palitviazień Dzianis Ivašyn upieršyniu z časoŭ jaho pieravodu ź SIZA turmy №1 Hrodna mieŭ karotkaterminovaje spatkańnie z maci ŭ žodzinskaj turmie №8. Pra heta paviedamlaje radyjo «Racyja» sa spasyłkaj na «Haradzienskuju pravabaronu».
Custreča doŭžyłasia ahułam kala 3 hadzin. Ivašyn zaŭvažna schudnieŭ za čas niespraviadlivaha źniavoleńnia, ale nijakich inšych narakańniaŭ na stan zdaroŭja nie vykazvaŭ. Pry hetym jon nie hublaje svajho zvykłaha aptymizmu, upeŭnienaści, badzioraści duchu. Padčas razmovy palitviazień imknuŭsia słovam padtrymać i padbadzioryć maci.
Schudnieńnie Ivašyna moža być źviazana z umovami charčavańnia za kratami, a taksama adsutnaściu mahčymaści pieradać jamu praduktovuju pieradaču. Pieršaj i druhoj režymnaj pieradač jaho pazbavili ŭ Mahilovie, a strohi turemny režym naohuł zabaraniaje praduktovyja pieradačy. Pakul palitviazień moža atrymać tolki adnu rečavuju pieradaču da 50 kh vahi na hod abo sam atavarycca ŭ miascovaj turemnaj kramie na 1 bazavuju vieličyniu, abo 40 rubloŭ na miesiac.
Na racyjon žodzinskaj turmy žurnalist nikoli nie skardziŭsia. Naadvarot, paraŭnoŭvajučy jaje z mahiloŭskaj kałonijaj, Ivašyn raniej adznačaŭ u listach i paćvierdziŭ pry sustrečy, što miascovym charčavańniem u cełym zadavoleny. Nie staje jamu ŭ niavoli tolki sadaviny, harodniny, sała i zialonaj harbaty, jakuju jon nadta lubić.
Papiaredniaje spatkańnie Dzianisa Ivašyna adbyłosia paśla tak zvanaha «razhladu apielacyjnaj skarhi na prysud» jašče ŭ Hrodnie 20 śniežnia 2022 hoda. A ŭ červieni minułaha hoda Ivašyna pieraviali ŭ Žodzina z kałonii №15 Mahilova, uzmacniŭšy režym da strohaha.
Dzianisa Ivašyna zatrymali 12 sakavika 2021 hoda. U žniŭni 2022 hoda jaho asudzili da 13 hadoŭ i 1 miesiaca kałonii va ŭmovach uzmocnienaha režymu. Žurnalista pryznali vinavatym u «zdradzie dziaržavie».
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda17
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary