Rašeńnie ab budaŭnictvie novaj haradskoj balnicy było pryniata ŭ suviazi z aptymizacyjaj łožkavaha fondu dźviuch inšych balnic Hrodna — numar 2 i numar 3. Jany raźmieščany ŭ starych budynkach, jakija nie adpaviadajuć sučasnym patrabavańniam.
Novaja balnica na praśpiekcie Janki Kupały ŭ Hrodnie zamienić łožkavy fond dźviuch starych balnic, a taksama budzie funkcyjanavać va ŭviazcy z balnicaj numar 4, što daść mahčymaść racyjanalna vykarystoŭvać łožkavy fond ustanoŭ achovy zdaroŭja horada i paźbiehnuć dubliravańnia.
Tut buduć skancentravany ŭ asnoŭnym adździaleńni terapieŭtyčnaha profilu z kabinietami endavaskularnaj chirurhii, a taksama dyjahnastyčnyja adździaleńni. Raźličana balnica bolš jak na 500 łožkaŭ.
Łukašenka siońnia pryjechaŭ u Hrodna. Na placoŭcy, dzie pačata budaŭnictva novaha abjekta achovy zdaroŭja, jamu dałažyli ab chodzie ŭźviadzieńnia balnicy i płanach pa budaŭnictvie. Jon daručyŭ paskorycca i zaviaršyć budaŭnictva za dva hady.
Kamientary