Adzin sa scenaryjaŭ Pientahona praduhledžvaje likvidacyju ajatały Chamieniei i jaho syna
Pientahon pradstaviŭ Trampu mnostva varyjantaŭ.
Administracyja Donalda Trampa hatova razhledzieć prapanovu, jakaja dazvalaje Iranu «simvaličnaje» ŭzbahačeńnie ŭranu, kali heta nie stvoryć mahčymaści dla stvareńnia bomby, zajaviŭ vysokapastaŭleny amierykanski čynoŭnik Axios.
«Kali irancy chočuć praduchilić napad, jany pavinny zrabić prapanovu, ad jakoj my nie zmožam admovicca. Irancy pastajanna ŭpuskajuć mahčymaść. Kali jany buduć hulać u hulni, ciarpieńnie skončycca», — skazaŭ vydańniu vysokapastaŭleny amierykanski čynoŭnik.
Ministr zamiežnych spraŭ Irana Abas Arakčy zajaviŭ u piatnicu, što iranskaja prapanova budzie kančatkova dapracavana na praciahu nastupnych dvuch-troch dzion.
«Prezident jašče nie pryniaŭ rašeńnia ab naniasieńni ŭdaru. Ja viedaju heta, tamu što my jašče nie nanieśli ŭdar. Jon moža nikoli hetaha nie zrabić», — skazaŭ surazmoŭca Axios.
Pavodle jaho słoŭ, Pientahon pradstaviŭ Trampu mnostva varyjantaŭ. «U ich jość varyjanty na luby scenaryj. Adzin sa scenaryjaŭ [praduhledžvaje] likvidacyju ajatały i jaho syna i muł», — skazaŭ jon, majučy na ŭvazie viarchoŭnaha lidara Irana Ali Chamieniei, syna jakoha ličać jaho patencyjnym pierajemnikam. «Što prezident abiare, nichto nie viedaje. Ja nie dumaju, što jon sam viedaje», — dadała krynica.
Druhaja krynica paćvierdziła, što płan zabojstva Chamieniei i jaho syna byŭ prapanavany Trampu niekalki tydniaŭ tamu.
Ciapier Iran nie ŭzbahačaje ŭran — centryfuhi na jaho jadziernych abjektach byli ŭ značnaj stupieni razburany avijaŭdarami ŭ červieni.
Chamieniei zajaŭlaŭ, što Iran nie admovicca ad svajho prava na ŭzbahačeńnie, jakoje, pa śćviardžeńni Tehierana, budzie ažyćciaŭlacca tolki ŭ mirnych metach. Tramp zajaŭlaŭ, što nie dapuścić, kab Iran moh uzbahačać uran.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary