Sinoptyk Dźmitryj Rabaŭ u efiry ANT paviedamiŭ, što z 23 lutaha pa 1 sakavika ŭ krainie zachavajecca niaŭstojlivaje nadvorje, a da sapraŭdnaj mietearałahičnaj viasny jašče daloka. Vypadańnie śniehu roznaj intensiŭnaści pakul Biełaruś nie pakinie.
U paniadziełak amal pa ŭsioj terytoryi krainy čakajecca śnieh — miescami ŭmierany abo mocny. Mahčymyja tumany i hałalodzica na darohach. Nočču tempieratura budzie ad +1 da —7 hradusaŭ, udzień — ad +5 na Brestčynie da —3 u Viciebskaj vobłaści.
U aŭtorak prahnazujecca vobłačnaje nadvorje z prajaśnieńniami, karotkačasovy śnieh i mokry śnieh. Zachavajecca vierahodnaść tumanu i hałalodzicy. Nočču ad —4 da +2, udzień miescami pavietra prahrejecca da +5.
U sieradu ŭ Biełaruś pastupić vilhotnaje pavietra z Zachodniaj Jeŭropy, jakoje pryniasie śnieh i mokry śnieh. Nočču ad —7 da +1, udzień — ad —3 da +5 hradusaŭ.
U čaćvier istotnych apadkaŭ u bolšaści rajonaŭ nie čakajecca, tolki na poŭnačy mahčymyja śnieh i tuman. Nočču ad —3 da +3, a ŭdzień pa zachadzie Bresckaj i Hrodzienskaj abłaściej tempieratura moža dasiahnuć navat +12 hradusaŭ.
U piatnicu zachavajecca adnosna ciopłaje nadvorje: ad +2 na ŭschodzie da +10 u Bresckaj vobłaści. Nočču mahčymyja tumany, tempieratura — ad —1 da +3.
U subotu prahnazujucca apadki ŭ vyhladzie daždžu i śniehu. Nočču ad 0 da +6, udzień — ad +3 da +10, ciaplej budzie na poŭdni krainy.
U niadzielu, 1 sakavika, pačniecca kalandarnaja viasna, ale nadvorje zastaniecca niaŭstojlivym. Čakajucca apadki, unačy i ranicaj mahčymy tuman z bačnaściu da paŭkiłamietra. Nočču ad 0 da +5, udzień — ad +2 da +8 hradusaŭ.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary