Biełaruski trenier Alaksandr Chackievič trapiŭ u niajomkuju situacyju ŭ Polščy
Učora jahonaje «Zahłembie» paciarpieła razhromnuju parazu ad «Katavicaŭ» 0:4, ale, jak kažuć, byŭ niuans.
Hałoŭny trenier futbolnaha «Zahłembie» z Sasnaŭca Alaksandr Chackievič trapiŭ u niajomkuju situacyju paśla zajavy na pres-kanfierencyi, dzie jon raspavioŭ, što futbalisty sami vybirali płan na matč 25-ha tura pieršaha dyvizijona Polščy suprać «Katavicaŭ» (0:4). Pra heta paviedamlaje Championat.com sa spasyłkaj na polskaha žurnalista Piatra Słonku.
«Siońnia, paśla čarhovaj parazy «Zahłembie» (Sasnaviec), Alaksandr Chackievič na pres-kanfierencyi zajaviŭ, što zamknuŭ hulcoŭ u raspranalni i skazaŭ im vybirać ułasnuju taktyku i styl hulni. «Zahłembie» prajhraŭ ź likam 4:0…
Ščyra kažučy, hetaja zajava vyklikała masu niehatyŭnych emocyj u polskich ŚMI, ekśpiertaŭ i zaŭziataraŭ», — napisaŭ Słonka ŭ svaim telehram-kanale.
Chackievič uznačaliŭ «Zahłembie» ŭ siaredzinie studzienia. Kłub zajmaŭ apošniaje miesca ŭ čempijanacie druhoha dyvizijona. Paśla prychodu biełaruskaha śpiecyjalista vyniki nie nadta palepšylisia.
Kłub pad jaho kiravańniem zhulaŭ dźvie ničyi i paciarpieŭ čatyry parazy. Kamanda adstaje ad vyratavalnaha 15-ha miesca na 12 bałaŭ. Da kanca čempijanatu zastałosia dzieviać hulniaŭ.
Kamientary