Ułady zakłapacilisia kankurencyjaj z boku zamiežnych placovak.
Prodaž piratechniki, bijałahična aktyŭnych dabavak i vietpreparataŭ pa internecie ŭ Biełarusi ciapier zabaronieny. Handlavać piratechničnymi srodkami možna tolki ŭ handlovych centrach, kramach i kijoskach, BADy možna znajści tolki ŭ aptekach. Pry hetym zabarony na kuplu takoj pradukcyi z dastaŭkaj z-za miažy niama.
Hod tamu MARH zakłapaciłasia hetym pytańniem i prapanavała dazvolić internet-handal piratechnikaj i BADami, kab zabiaśpiečyć miascovym placoŭkam roŭnyja ŭmovy z zamiežnymi markietplejsami. Takaja prapanova znajšła padtrymku va ŭradzie, piša ilex.by.
U abhruntavańni prajekta pastanovy Saŭmina adznačajecca, što zabarona «stavić u niaroŭnyja ŭmovy biełaruskich i zamiežnych, u pieršuju čarhu rasiejskich, subjektaŭ haspadarańnia, jakija ažyćciaŭlajuć handal z vykarystańniem sietki Internet, pakolki takija zabarony, u pryvatnaści, u zakanadaŭstvie Rasiejskaj Fiederacyi nie praduhledžanyja».
Čakajecca, što handlavać piratechnikaj bytavoha pryznačeńnia ŭ internecie dazvolać arhanizacyjam, u jakich jość svaja kropka abo skład, dzie piratechnika zachoŭvajecca, a taksama pry vykanańni praviłaŭ pieravozki niebiaśpiečnych hruzaŭ. BADy dazvolać pradavać u na internet-placoŭkach kampanijam, u jakich jość afłajn-apteki.
Čakajecca, što novyja normy ŭstupiać u siłu z 11 lipienia 2024 hoda.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary